Maharashtra Rain Update : विजांचा कडकडाट, ढगांचा गडगडाट, पुढचे 4 दिवस महत्त्वाचे; पावसासाठी पोषक स्थिती, IMD चा अंदाज समोर!
येणाऱ्या 16 ऑक्टोबर रोजी ठाण्यात उष्णतेची लाट असेल. तर दुसरीकडे पुणे, सोलापूर, धाराशीव, सोलापूर, सांगली, कोल्हापूर या जिल्ह्यात ढगांचा गडगडाट, वीज आणि वादळी वारे येऊ शकतात.
राज्यात पाऊस सध्यातरी गायब आहे. ऑक्टोबर हीटमुळे नागरिक त्रस्त आहेत. काही ठिकाणी उष्णता आणखी वाढण्याची शक्यता आहे. परंतु एकीकडे उष्णता वाढत असली तरी दुसरीकडे राज्यात पावसासाठी पोषक वातावरण तयार होण्याची शक्यता आहे.
पुढील चार दिवस राज्यात काही ठिकाणी पावसासाठी पोषक वातावरण होण्याची शक्यता आहे. 15 ऑक्टोबर रोजी सोलापूर, कोल्हापूर, सिंधूदुर्ग, रत्नागिरी, सांगली जिल्ह्यांत पावसासाठी पोषक वातावरण तयार होईल. वादळी वारे, विजेचा कडकडाट होण्याची शक्यता आहे.
येणाऱ्या 16 ऑक्टोबर रोजी ठाण्यात उष्णतेची लाट असेल. तर दुसरीकडे पुणे, सोलापूर, धाराशीव, सोलापूर, सांगली, कोल्हापूर या जिल्ह्यात ढगांचा गडगडाट, वीज आणि वादळी वारे येऊ शकतात.
पुणे, रायगड, सातारा, सोलापूर, रत्नागिरी, कोल्हापूर, सांगली, सोलापूर, धाराशीव, लातूर, नांदेड या जिल्ह्यांत 17 ऑक्टोबर रोजी ढगांचा गडगडाट, वीज आणि वादळी वारे येण्याची शक्यता आहे.
18 ऑक्टोबर रोजी राज्यात गोंदिया, गडचिरोली, नागपूर, चंद्रपूर, यवतमाळ, हिंगोली, लातूर, नांदेड, धाराशीव, सोलापूर, सातारा, पूणे, सांगली, कोल्हापूर, सिंधुदूर्ग या जिल्ह्यात वादळी वारा, ढगांचा गडगडाट, विजांचा कडकडाट पाहायला मिळू शकतो. म्हणजेच 18 ऑक्टोबर रोजी पावसासाठी पोषक स्थिती पाहायला मिळू शकते.
