हिवाळ्यात आवर्जून खा आवळा! बद्धकोष्ठता आणि अपचनाचा त्रास कमी करण्यासाठी ठरेल फायदेशीर
हिवाळा सुरू होताच बाजारात आवळाची आवक वाढते. चवीला आंबट असलेला आवळा केवळ चवीलाच उत्तम नाही, तर पोषक घटकांनीही समृद्ध आहे.
आवळामध्ये भरपूर फायबर असते, जे पचनसंस्थेचे कार्य सुरळीत ठेवण्यास मदत करते. नियमित आणि योग्य प्रमाणात फायबर मिळाल्यास मलविसर्जन सुधारण्यास मदत होऊ शकते.
अनियमित खाण्याच्या सवयी, तेलकट पदार्थांचे अतिसेवन आणि व्यायामाचा अभाव यामुळे अपचन व पोट जड होण्याचा त्रास होतो. अशा वेळी संतुलित आहारात आवळाचा समावेश करणे फायदेशीर ठरू शकते.
आवळा हा व्हिटॅमिन C चा उत्तम स्रोत आहे. शरीरात कोलेजन तयार करणे, जखमा भरून येणे आणि लोहाचे शोषण होण्यास व्हिटॅमिन C मदत करते.
आवळामध्ये असलेले अँटीऑक्सिडंट्स शरीरातील पेशींचे ऑक्सिडेटिव्ह तणावापासून संरक्षण करण्यास मदत करतात. त्यामुळे आवळासोबतच पौष्टिक आहार आणि पुरेशी विश्रांती घेणेही महत्त्वाचे आहे.
आवळामध्ये फायबर आणि पॉलीफेनॉल्स असतात. मधुमेह असलेल्या व्यक्तीही आहारात आवळाचा समावेश करू शकतात; मात्र आवळ्याच्या ज्यूसमध्ये साखर किंवा मध घालणे टाळावे. यातील व्हिटॅमिन C त्वचेच्या आरोग्यासाठीही उपयुक्त ठरते.
