Priya Bapat House: घरात झोपाळा, जुन्या पद्धतीच्या खिडक्या; अभिनेत्री प्रिया बापटचा सुंदर फ्लॉट आतुन पाहिलात का?
Priya Bapat House: मराठी अभिनेत्री प्रिया बापटच्या घराचे फोटो समोर आले आहेत. या फोटोंमध्ये अभिनेत्रीने घरात सुंदर असा झोपाळा देखील लावला असल्याचे दिसत आहे.
कलाकार हे कायमच चर्चेत असतात. त्यांच्या खासगी आयुष्याविषयी जाणून घेण्यासाठी सर्वजण आतुर असतात. ते कुठे राहतात, त्यांचे घर आतुन कसे आहे? त्यांच्या घराचा लूक कसा आहे? असा प्रश्न अनेकांना पडतो. सध्या सोशल मीडियावर अभिनेत्री प्रिया बापटच्या घराचे फोटो व्हायरल झाले आहेत.
प्रिया बापटचा फ्लॅट हा 1500 चौरस फूटाचा आहे. तिच्या घरातील इंटेरियर हे एखाद्या जुन्या वाड्यातील असल्यासारखे दिसत आहे.
प्रिया बापट आणि उमेश कामात यांच्या घरात फिकट रंग संगती दिसत आहे. हॉलमध्ये सुंदर असा सोफा, टीव्ही, काळ्या पांढऱ्या रंगाची लादी, तसेच हिरव्या रंगाचा बाल्कनीचा दरवाजा अतिशय सुंदर दिसत आहे.
प्रियाने घरात एक सुंदर असा झोपाळा देखील लावला आहे. तसेच एक लाकडाचा खांब देखील झोपाळ्याच्या शेजारी असल्याचे दिसत आहे.
प्रियाने घरातील खिडक्या, दरवाजे देखील जुन्या घरांमधील स्टाइलसारखे केले आहेत. संपूर्ण घरात काळ्या पांढऱ्या चेक्सची लादी, चॉकलेटी आणि फिकट शेवाळी रंगाचे फर्निचर केल्याचे दिसत आहे.
प्रिया बापटचे घर हे अतिशय सुंदर असल्याचे दिसत आहे. तिने आणि उमेशने या घरातील पहिला फोटो देखील शेअर केला आहे.
