Divorce : ‘या’ 6 मराठमोळ्या सेलिब्रिटींचा घटस्फोट, तिसरं कपल तर…, अर्ध्यात विस्कटली आयुष्याची घडी
Divorce : हिंदी सिनेविश्वातून एखाद्या सेलिब्रिटीच्या घटस्फोटाबद्दल कळलं तर चाहत्यांना फार काही फरक पडत नाही. पण मराठी सिनेविश्वातील सेलिब्रिटींच्या घटस्फोटाच्या चर्चा जरी रंगल्या तरी, चाहत्यांमध्ये खळबळ उडते. पडद्यावर प्रेम, नाती आणि आनंद साजरा करणारे हे कलाकार वैयक्तिक आयुष्यात मात्र अनेक चढ-उतारांना सामोरे गेले. तर जाणून घ्या त्या 6 जोडप्यांबद्दल, ज्याच्या आयुष्याची घडी अर्ध्यावर विस्कटली...
अभिनेत्री मानसी नाईक आणि बॉक्सर प्रदीप खरेरा यांचं लग्न 2021 मध्ये मोठ्या थाटामाटात पार पडलं होतं. अनेक वर्ष लिव्हइन रिलेशनशिपमध्ये राहिल्यानंतर त्यांनी घटस्फोटाचा निर्णय घेतला. मनसीने नवऱ्यावर अनेक गंभीर आरोप केलेले.
अभिनेत्री स्नेहा वाघ आणि अभिनेता आविष्कार दारव्हेकर यांचं लग्नही फार काळ टिकू शकलं नाही. घटस्फोटानंतर स्नेहाने विविध मुलाखती आणि ‘बिग बॉस मराठी’मध्ये मानसिक आणि शारीरिक छळ झाल्याचा आरोप केला होता.
आदिनाथ कोठारे आणि उर्मिला कानेटकर यांच्या घटस्फोटानंतर तर चर्चांना उधाण आलं. मुलाच्या जन्मानंतर आणि लग्नाला जवळपास 14 वर्ष होताच दोघांनी सोशल मीडियाच्या माध्यमातून घटस्फोट झाल्याचं जाहिर केलं. त्यांनी आपल्या मुलगी जिजाच्या भविष्यासाठी सहपालकत्वाची जबाबदारी समानपणे पार पाडणार असल्याचं पोस्टमध्ये सांगितलं आणि त्यांच्या खासगी आयुष्याचा आदर करण्याचं आवाहनही केलं.
राष्ट्रीय पुरस्कार विजेते गायक राहुल देशपांडे यांनी लग्नाच्या तब्बल 17 वर्षांनंतर पत्नी नेहा देशपांडे यांच्यापासून परस्पर संमतीने विभक्त होण्याचा निर्णय घेतला. त्यांनी सोशल मीडियावर भावनिक पोस्ट शेअर करत चाहत्यांना या निर्णयाची माहिती दिली होती.
अभिनेत्री शुभांगी सदावर्ते यांनी 2020 मध्ये संगीतकार आनंद ओक यांच्याशी विवाह केला होता. पण दोघांचं नातं फार काळ टिकलं नाही. अखेर 2025 मध्ये दोघांनी घटस्फोटाचा निर्णय घेतला. त्यानंतर शुंभागी यांनी सुमित म्हशीलकर यांच्यासोबत नव्या आयुष्याची सुरुवात केली.
अभिनेता अनिकेत विश्वासराव आणि अभिनेत्री स्नेहा चव्हाण यांच्या घटस्फोटाचीही मोठी चर्चा झाली होती. स्नेहाने घरगुती हिंसाचार, मानसिक आणि शारीरिक छळाचे आरोप करत तक्रार दाखल केली होती. काही महिन्यांपूर्वी स्नेहा यांनी दुसऱ्यांदा विवाह करून नव्या आयुष्याची सुरुवात केली.
