PHOTO | मुंबई मेट्रो 3 । मुंबईतील हेरिटेज क्षेत्रातील मेट्रो बोगदा पूर्ण
टीबीएम सूर्या-2 ने पॅकेज 1 मधील हुतात्माचौक ते सीएसएमटीपर्यंतच्या डाऊनलाईनचे 569 मीटर अंतर 106 दिवसांत पूर्ण केले. (Mumbai Metro's TBM Surya - 2 records breakthrough at CSMT)
कोरोनाचं संकट आणि त्यामुळे लागू असलेल्या लॉकडाऊनमध्येही मुंबई मेट्रोच्या तिसऱ्या टप्प्याचे काम सुस्साट सुरु आहे.
मेट्रो-3 चा 37 वा भुयारीकरणाचा टप्पा यशस्वीरित्या पार पडला. टीबीएम सूर्या-2 ने पॅकेज 1 मधील हुतात्माचौक ते सीएसएमटीपर्यंतच्या डाऊनलाईनचे 569 मीटर अंतर 106 दिवसांत पूर्ण केले. यासह पॅकेज 1 मधील एकूण 96 टक्के भुयारीकरण पूर्ण झाले.
'सूर्या-2' ही टनेल बोरिंग मशीन लार्सन अँड टुब्रो आणि शांघाय टनेल इंजिनिअरिंग कंपनी जेव्हीद्वारे ऑपरेट केली जाते. कफ परेड ते छात्रपती शिवाजी महाराज टर्मिनसपर्यंतच्या भुयारीकरणादरम्यान 'सूर्या-2' ही टनेल बोरिंग मशीन चौथ्या बोगद्याचे खोदकाम करणार आहे.
रॉबिन्स क्रॉस ओव्हर एक्सआरइ टीबीएम मशीनने ऑक्टोबर 2020 मध्ये हुतात्मा चौक स्टेशनच्या दक्षिणेला 233 मीटर एनएटीएम माईंड टनेलचे खोदकाम केले होते. त्यानंतर उत्तरेच्या दिशेने भुयारीकरण सुरु करण्यात आले होते.
छत्रपती शिवाजी महाराज टर्मिनसच्या दिशेने 556 मीटर लांब डाऊन लाईन टनेल बांधण्यासाठी 2 जानेवारी 2021 रोजी चौथ्या असाइन्मेंटसाठी टनेल बोरिंग मशीन पुन्हा कार्यान्वित करण्यात आली आहे.