Mirzapur: ‘मिर्झापूर’मधल्या ‘रधिया’समोर बीना त्रिपाठीही फेल; खऱ्या आयुष्यात प्रचंड ग्लॅमरस
Mirzapur: ‘मिर्झापूर’च्या विश्वातील प्रत्येक व्यक्तिरेखेला स्वतःची एक वेगळी ओळख आहे. त्यामुळे राधियासारख्या छोट्या भूमिकांमध्ये दिसलेल्या कलाकारांचीही वैयक्तिक स्टाइल आणि पडद्यामागचं आयुष्य जाणून घेण्याची उत्सुकता चाहत्यांमध्ये असते.
'मिर्झापूर' या लोकप्रिय क्राईम-ड्रामा फ्रँचायझीची क्रेझ प्रेक्षकांमध्ये अजूनही कायम आहे. आता ‘मिर्झापूर: द मूव्ही’ सिनेमागृहात दाखल झाल्याने सीरिजमधील जुन्या आणि नव्या कलाकारांची पुन्हा चर्चा सुरू झाली आहे. पंकज त्रिपाठी, अली फजल आणि दिव्येंदु शर्मा यांच्यासोबतच सीरिजमधील अनेक सहाय्यक कलाकारांकडेही प्रेक्षकांचं लक्ष वेधलं जात आहे.
याच चर्चेत अभिनेत्री प्रशंसा शर्मा हिचं नावही समोर आलं आहे. 'मिर्झापूर'मध्ये तिने साकारलेली राधिया ही व्यक्तिरेखा प्रेक्षकांच्या लक्षात राहिली. पडद्यावर साध्या अंदाजात दिसणाऱ्या राधियाच्या भूमिकेमुळे प्रशंसाला वेगळी ओळख मिळाली. मात्र, अभिनेत्रीचं सोशल मीडिया अकाऊंट पाहिलं तर तिचा खऱ्या आयुष्यातील अंदाज पडद्यावरील व्यक्तिरेखेपेक्षा पूर्णपणे वेगळा असल्याचं दिसतं.
प्रशंसा शर्मा सोशल मीडियावर सक्रिय असून, ती अनेकदा तिचे फोटो आणि ग्लॅमरस लूक चाहत्यांसोबत शेअर करत असते. तिच्या फोटोंमध्ये मॉडर्न आउटफिट्स, स्टायलिश लूक आणि आत्मविश्वासपूर्ण अंदाज पाहायला मिळतो. त्यामुळे ‘मिर्झापूर’मधील राधियाला पाहिल्यानंतर अभिनेत्रीचा हा वेगळा अवतार पाहून अनेक चाहत्यांना आश्चर्य वाटतं.
प्रशंसाने तिच्या अभिनयातील सहजपणा आणि व्यक्तिरेखेनुसार स्वतःमध्ये केलेला बदल हे तिच्या कामाचं वैशिष्ट्य मानलं जातं. दरम्यान, ‘मिर्झापूर: द मूव्ही’ च्या प्रदर्शनामुळे या संपूर्ण फ्रँचायझीची पुन्हा चर्चा सुरू झाली आहे. या चित्रपटात पंकज त्रिपाठी पुन्हा कालीन भैय्याच्या भूमिकेत दिसत आहे, तर अली फजल गुड्डू पंडित आणि दिव्येंदु शर्मा मुन्ना त्रिपाठीच्या भूमिकेत परतले आहेत.
4 सप्टेंबरला प्रदर्शित झालेल्या या चित्रपटाला सुरुवातीपासूनच चाहत्यांचा चांगला प्रतिसाद मिळत असल्याचं बॉक्स ऑफिसच्या सुरुवातीच्या आकडेवारीतून दिसून आलं. पहिल्याच दिवशी चित्रपटाने चांगली कमाई केली आणि त्यानंतरही त्याचा बॉक्स ऑफिसवरील प्रवास मजबूत राहिला.
