आता नुसता धो धो पाऊस बरसणार, या तारखेनंतर राज्यभरात काळे ढग; हवामान विभागाचा नवा अंदाज आला!
यंदा मान्सून वेळेपेक्षा उशिरा पोहोचला. सहा जून रोजी तळकोकणात पोहोचल्यानंतर 8 जून रोजी मान्सून सोलापूर, साताऱ्यात पोहोचला. परंतु आता मान्सूनची प्रगती थांबली आहे. आता पुन्हा एकदा मान्सून कधी सक्रिय होणार, याची आशा लागली आहे.
यंदा मान्सून वेळेपेक्षा उशिरा पोहोचला. सहा जून रोजी तळकोकणात पोहोचल्यानंतर 8 जून रोजी मान्सून सोलापूर, साताऱ्यात पोहोचला. परंतु आता मान्सूनची प्रगती थांबली आहे. आता पुन्हा एकदा मान्सून कधी सक्रिय होणार, याची आशा लागली आहे.
महाराष्ट्रातील अनेक भागात अजूनही मान्सून पोहोचलेला नाही. त्यामुळे पेरण्या सध्यातरी करू नयेत असे सांगितले जात आहे. राज्यात 10 ते 15 जूनपर्यंत पाऊस होण्याची शक्यता होती. परंतु पाऊस पुन्हा लांबला. दरम्यान, आता मोसमी पावसाची नवी तारीख आली आहे.
हवामान विभागाच्या नव्या अंदाजानुसार 24 ते 25 जूनपासून महाराष्ट्रात मान्सून पुन्हा सक्रिय होण्याची शक्यता आहे. 25 जूनपासून मुंबई तसेच कोकणच्या किनारपट्टीत पावसाचा जोर वाढू शकतो.
अरबी समुद्रात मोसमी वाऱ्याच्या प्रगतीसाठी पोषक वातावरण निर्माण झाले नव्हते. त्यामुळेच मोसमी पाऊस महाराष्ट्रभर अजूनही पसरलेला नाही. परंतु 25 जूननंतर 28 जूनपर्यंत किनारपट्टी भागात अतिवृष्टी होऊ शकते.
दरम्यान, राज्य सरकारकडून वेळोवेळी हवामानाचा अंदाज तसेच पावसाच्या अंदाजाबाबत सांगितले जाते. त्यामुळे या अंदाजाकडे लक्ष द्यावे. शासनाच्या आवाहनाचे पालन करावे. दुबार पेरणीचे संकट टाळायचे असेल तर पेरणीची घाई करू नये, असे सांगितले जात आहे.
