Beautiful Snakes : जगातले सर्वात सुंदर साप, रंग पाहून तुम्हीही व्हाल चकितच; दंश केल्यावर मात्र….
काही साप हे खूपच विषारी असतात. तर काही साप मात्र दिसायला खूपच सुंदर आणि आकर्षक वाटतात. जगात असे काही साप आहेत, ज्यांच्या रंगाकडे पाहातच राहावे वाटते. एका सापावर तर सूर्यप्रकाश पडल्यावर तो इंद्रधनुष्याप्रमाणे चमकतो.
साप म्हटलं की प्रत्येकजण घाबरतो. काही साप तर एवढे विषारी असतात की त्यांनी चावा घेतल्यावर माणूस काही सेकंदांत मरतो. परंतु बरेच साप हे बिनविषारी असतात. सध्या जगात सापांच्या शेकडो प्रजाती आहेत. यातील काही साप हे दिसायला खूपच सुंदर असतात.
जगात सर्वात सुंदर दिसणाऱ्या सापांमध्ये ब्लू कोरल स्नेकचे नाव प्रामुख्याने घेतले जाते. हा साप मलेशिया, थायलँड, सिंगापूर, इंडोनिशाय या देशांत सापडतो. या सापाच्या अंगावर हलक्या निळ्या रंगाच्या रेषा असतात. हा साप मात्र विषारी असतो. त्यामुळे त्याच्यापासून लांब राहणेच चांगले.
दुसऱ्या सुंदर सापाचे नाव हरित वृक्ष बोआ साप असे आहे. हा साप दक्षिण अमेरिकेतील अॅमेझॉनच्या जंगलात सापडतो. हा साप दिसालया खूपच सुंदर असतो. त्याचा रंग हिरवा आणि पांढरा असतो. ब्राझिलियन रेनबो सापदेखील दिसायला खूपच सुंदर असतो. हा साप ब्राझिल आणि दक्षिण अमेरिकेत आढळतो.
सनबीम साप हादेखील असाच खूप सुंदर दिसतो. तो पूर्व आशियात सापडतो. या सापाच्या अंगावर सूर्यप्रकाश पडला की तो इंद्रधनुषाच्या रंगाप्रमाणे चमकतो. आयलॅस वायपर साप हादेखील दिसायला खूपच सुंदर असतो. तो मध्य अमेरिका आणि दक्षिण अमेरिकेत आढळतो. हा साप पिवळ्या रंगाचा असतो.
सॅन फ्रान्सिस्को गार्टर स्नेक हादेखील दिसायला खूपच सुंदर असतो. हा साप अमेरिकेत आढळतो. हा साप अत्यंत दुर्मिळ प्रजातीमध्ये मोडतो. तो त्याच्या चमकदार रंगामुळे प्रसिद्ध आहे. दरम्यान, हे साप दिसायला सुंदर असले तरीही त्यातील काही विषारी असतात. त्यामुळे योग्य काळजी घेणे गरजेचे आहे.
