Mumbai Rain Photos : पहिल्याच पावसात मुंबईचे 12 वाजले, कुठे काय घडलं, त्यावर मारा नजर
Mumbai Rain Photos : मुंबईत काल रात्रीपासूनच मुसळधार पाऊस कोसळतोय. त्याचे परिणाम आज दिसून आलेत. फक्त पाणीच तुंबलं नाही तर काही दुर्घटना सुद्धा घडल्या.
मुंबईत काल रात्रीपासूनच मुसळधार पाऊस कोसळतोय. त्याचे परिणाम आता दिसू लागले आहेत. मुंबईच्या किंग्ज सर्कल परिसरात पावसामुळे पाणी साचलं. त्यामुळे ठाण्याच्या दिशेने जाणारी वाहतूक मंदावली यात. यात एक बेस्टची बस बंद पडली आहे.
पावसामुळे दादरमध्ये स्टेशन परिसरात पाणी साचलं. त्यामुळे सकाळी ड्युटीवर येणाऱ्या लोकांचे हाल झाले. त्यांना तुंबलेल्या पाण्यातून वाट काढावी लागली. पहिल्याच पावसाने महापालिकेचे दावे किती पोकळ आहेत, ते समोर आलय.
पहिल्या पावसामुळे फक्त रस्त्यांवर पाणीच साचलं नाहीय, तर काही दुर्घटना सुद्धा घडल्या आहेत. विक्रोळी परिसरात मुसळधार पावसामुळे एका इमारतीला लागून असलेली संरक्षक भिंत कोसळली. सुदैवाने यात कोणतीही जिवीतहानी झाली नाही.
लोकल ही मुंबईची जीवनवाहनी आहे. दररोज लाखो लोक मुंबई लोकलमधून प्रवास करतात. पण पहिल्याच पावसाचा लोकल सेवेला सुद्धा फटका बसला आहे. मध्य आणि पश्चिम रेल्वे मार्गावर लोकल वाहतूक 10 मिनिटं उशिराने सुरु आहे.
भांडूपचा LBS रोड वर्दळीचा मार्ग आहे. पण सकाळी सातच्या सुमारास तिथे गुडघाभर पाणी साचलं होतं. पाण्यातून वाहनं मार्ग काढत होती. पण पावसामुळे वाहतुकीचा वेग मंदावलेला.
