गावाच्या हद्दीत, निर्जन भागात दिसतंय भूत ? सोशल मीडियावरील दाव्याने नागरिक दहशतीत, कुठे घडली घटना ?
नाशिक जिल्ह्यातील बागलाण तालुक्यात, आराई गावात सोशल मीडियावर भूताच्या अफवा आणि AI फोटो व्हायरल झाल्याने भीतीचे वातावरण निर्माण झाले. पोलिसांनी तपासणी केली असता, हे सर्व दावे खोटे ठरले. अशाअफवा पसरवणाऱ्यांवर कारवाई करू असा इशारा ग्रामसभेत देण्यात आला.
नाशिक जिल्ह्यातील बागलाण तालुक्यात गेल्या काही दिवसांपासून भूताच्या अफवेने दहशत माजवली होती. गेल्या काही दिवसांपासून गावात भूत आल्याचे मेसेज आणि फोटो सोशल मीडियावर व्हायरल होत होते. त्यामुळे नागरिक भयग्रस्त होते. विशेषतः बागलाण तालुक्यातील आराई गावात भूत असल्याच्या अफवांमुळे मोठी खळबळ उडाली आणि गावात दहशत निर्माण झाली.
सोशल मीडियावर जे मेसेज पसरवण्यात आले त्यामध्ये असं म्हटल होतं की, गावच्या हद्दीत, मोकळ्या जागा तसेच निर्जन भागात हे भूत दिसत आहे, असा दावाही करण्यात ला. या अफवा प्रचंड पसरल्या, सगळीकडे टयाचीच चर्चा सुरू होती. त्यामुळे ग्रामस्थांमध्ये भीतीचे वातावरण पसरले.
याच अफवांमुळे गावकरी भयग्रस्त होते, त्याच पार्श्वभूमीवर पोलिस प्रशासनासह गावातील तरुणांनी रात्रीची गस्त घातली. मात्र, तपासादरम्यान कुठेही संशयास्पद हालचाल किंवा भूत असल्याचा कोणताही प्रकार आढळून आला नाही.
या प्रकरणाची पडताळणी केली असता, सोशल मीडियावर व्हायरल झालेले फोटो जुने तसेच एआय (Artificial Intelligence) च्या माध्यमातून तयार केलेले असल्याचे समोर आलं. प्रत्यक्षात कुठेही भूत असल्याचा कोणताही पुरावा आढळून आलेला नाही.
अखेर, आराई गावात ग्रामसभा घेऊन अशा अफवा पसरविणाऱ्यांवर पोलिसांच्या माध्यमातून कठोर कारवाई करण्याचा इशारा देण्यात आला आहे.
तसेच, आराई गावात ग्रामसभा घेऊन अशा अफवा पसरविणाऱ्यांवर पोलिसांच्या माध्यमातून कठोर कारवाई करण्याचा इशारा देण्यात आला आहे. एकूणच, पडताळणी केल्यावर बागलाण तालुक्यातल सोशल मीडियावर व्हायरल होत असलेला हा ‘भूताचा व्हिडीओ व फोटो' पूर्णपणे खोटा आणि अफवा पसरवणारा असल्याचे स्पष्ट झाले आहे.
