नवी मुंबईतील महापालिकेच्या एका रुग्णालयातील कोरोना वॉर्डमध्ये एका मृत रुग्णाच्या नातेवाईकांनी तोडफोड केली आहे. (Navi mumbai hospital vandalise)
Follow us on
नवी मुंबईतील महापालिकेच्या एका रुग्णालयातील कोरोना वॉर्डमध्ये एका मृत रुग्णाच्या नातेवाईकांनी तोडफोड केली आहे. या रुग्णालयातील व्हेंटीलेटर, डायलिसीस मशीन, पंखे तसेच इतर साहित्याची नासधूस केली आहे.
यात रुग्णालयातील सुरक्षा रक्षकालाही मारहाण करण्यात आली आहे. मारहाण करणाऱ्या व्यक्तींमध्ये तीन महिला आणि तीन पुरुषांचा समावेश आहे.
याप्रकरणी वाशी पोलिसांनी चार जणांना ताब्यात घेतलं आहे.
नवी मुंबई महापालिकेतील वाशीजवळी एका रुग्णालयात उपचार घेत असलेल्या 50 वर्षीय रुग्णाचा मृत्यू झाला. या रुग्णाला मंगळवारी सायंकाळी श्वास घेण्यास त्रास होत असल्याने रुग्णालयात दाखल करण्यात आले होते.
त्याची कोरोना चाचणी करण्यात आली होती. मात्र त्याचा रिपोर्ट आला नव्हता. पण त्यांच्यावर उपचार सुरु होते. मात्र रात्री उशिरा उपचारादरम्यान त्याचा मृत्यू झाला.
यावेळी संतप्त नातेवाईकांनी आयसोलेशन वॉर्डमध्ये जाऊन व्हेंटिलेटर, डायलिसिस मशीन, पंखे तसेच इतर साहित्यांची नासधूस केली.
तसेच रुग्णालयातील डॉक्टर आणि नर्स यांनाही धमकी देण्यात आली. यावेळी त्यांना अडवण्यास गेलेल्या सुरक्षा रक्षकास बेदम मारहाण करण्यात आली.
