पाकिस्तानची अप्सरा, भारतात बॅन, शाहरुखही भाळला होता सौंदर्यावर, फोटो पाहून प्रेमात पडाल!
पाकिस्तानच्या या अभिनेत्रीची सगळीकडे चर्चा होत आहे. विशेष म्हणजे तिच्या सौंदर्याचे जगभरात चाहते आहेत. शाहरुख खानसोबतही तिने काम केलेले आहे.
अभिनय क्षेत्रात फारच कमी लोक असे असतात ज्यांचे जगभरात चाहते पाहायला मिळतात. पाकिस्तानी सिनेसृष्टी लहान असली तरीही त्या क्षेत्रात काम करणाऱ्या कलाकारांची भारतातही चर्चा असते. विशेषत: तेथील अभिनेत्रींच्या सौंदर्याची चर्चा भारतातही होते.
पाकिस्तानमध्ये तयार करण्यात आलेल्या काही मालिका तर आजही भारतात पाहिल्या जातात. याच मालिकांच्या माध्यमातून या अभिनेत्री आज भारतात घराघरात पोहोचल्या आहेत. भारतात प्रसिद्ध असलेल्या पाकिस्तानी अभिनेत्रीचे नाव माहिरा खान असे आहे.
माहिरा खान या अभिनेत्रीच्या सौंदर्याची सगळीकडेच चर्चा होते. पाकिस्तानात छोट्या पडद्यावर काम करत असताना तिने अभिनयाच्या जोरावर काही चित्रपटही केलेले आहेत. विशेष म्हणजे तिने बॉलिवुडचा किंग म्हणून ओळख असलेल्या शाहरुख खानसोबतही काम केलेले आहे.
शाहरुख खानसोबत तिने मुख्य अभिनेत्री म्हणून स्क्रीन शेअर केलेली आहे. 2017 साली आलेल्या रईस या चित्रपटात शाहरुख खान आणि माहिरा खान एकत्र दिसले होते. परंतु त्यानंतर मात्र तिने भारतीय सिनेसृष्टीतून पाय काढता घेतला.
माहिरा खानने पाकिस्तानातील हमसफर, सदके तुम्हारे, बिन रोये, नियत अशा अनेक मालिकांत काम केलेले आहे. तिचे सोशल मीडियावर लाखोंनी फॉलोअर्स आहेत.
