Photo : येड्याचा बाजार की नादच खुळा? कुणी पेट्रोल भरण्यासाठी चक्क बैलगाडीतून बाईक आणली तर कुणी जीपमध्ये पाण्याची टाकी
मिडल इस्टमध्ये सुरु असलेल्या युद्धाची झळ सध्या संपूर्ण जगाला बसली आहे. या युद्धाचा परिणाम तेल, एलपीजी आणि पेट्रोलच्या किंमतीवर झाला आहे. अनेक ठिकाणी तर अफवा आहेत की भविष्यात पेट्रोलची टंचाई निर्माण होणार आहे. त्यामुळे अनेक पेट्रोल पंपावर लांबच्या लांब रांगा पाहायला मिळाल्या.
छत्रपती संभाजीनगर जिल्ह्यातील कन्नड तालुक्यातील शिवराई फाटा येथे पेट्रोल टंचाईची झळ प्रत्यक्षात पाहायला मिळाली. एका तरुणाची दुचाकी पेट्रोल संपल्यामुळे रस्त्यातच बंद पडली. पेट्रोल मिळत नसल्याने त्या तरुणाने थेट दुचाकी बैलगाडीत टाकून पेट्रोल पंप गाठल्याची घटना समोर आली आहे. या प्रकाराचा व्हिडिओ सध्या सोशल मीडियावर प्रचंड व्हायरल होत असून, नागरिकांमध्ये विविध प्रतिक्रिया उमटत आहेत.
सध्या पेट्रोल तुटवड्याच्या अफवांमुळे पेट्रोल पंपावर वाहनचालकांच्या लांबच लांब रांगा पाहायला मिळतायत. अंबरनाथमध्ये अशाच एका वाहनचालकाने टाकी फुल केली, पण त्यामुळे चक्क त्याची दुचाकी जळून खाक झाली.
छत्रपती संभाजीनगर शहरात पेट्रोल टंचाईमुळे नागरिकांना मोठा त्रास सहन करावा लागत असताना, या परिस्थितीचा गैरफायदा घेत पेट्रोलचोर सक्रिय झाल्याचे समोर आले आहे. सातारा परिसरातील दीपनगर येथील सिल्व्हर इस्टेट अपार्टमेंटमध्ये गुरुवारी मध्यरात्री दुचाकींमधून पेट्रोल चोरीची धक्कादायक घटना घडली. भरवस्तीत असलेल्या या अपार्टमेंटच्या पार्किंगमध्ये उभ्या असलेल्या दुचाकींच्या पेट्रोल नळ्या कापून अज्ञात चोरट्यांनी इंधनावर डल्ला मारला.
इंधन तुटवडा बाबत सोशल मीडियावर मेसेज व्हायरल झाल्यावर नागरिकांनी पेट्रोल पंपावर पेट्रोल डिझेल भरण्यासाठी मोठी गर्दी केलीय. वाहनाच्या लांब रांगा लागल्या आहे. नागरिकांनी घरातील प्लास्टिक कॅन, डब्बा, पाणी भरण्याचे टाके, घेऊन पंपावर गर्दी केली असल्याचे पाहायला मिळत आहे. जिल्हाधिकारी यांनी प्लास्टिक कॅन, डब्बा मध्ये इंधन देऊ, नये असे आदेश काढले असताना ही पंप चालक ऐकायला तयार नाहीय. ग्राहकांना प्लास्टिक कॅन डब्बा मध्ये पेट्रोल डिझेल देणे सुरूच आहे .
दुचाकी, चारचाकी, ट्रॅक्टर तसेच इतर वाहनांमध्ये इंधन भरून घेण्यासाठी पेट्रोल पंपांकडे लोक धाव घेत असल्याचे चित्र आहे. .डिझेल,पेट्रोल घेण्यासाठी टाक्या, हांडे, कॅन आदी वस्तू घेऊन पेट्रोल पंपावर गर्दी केली..पेट्रोल, डिझेल खरेदीसाठी माणसांसोबतच वाहनांच्याही रांगा लागल्याचे चित्र निर्माण झाले होते.
जालना शहरातल्या चौधरी नगर भागातल्या पेट्रोल पंपवर नागरिकांची मोठी गर्दी पाहायला मिळत आहे.
