20 जानेवारीच्या मोर्चाआधी बच्चू कडू मनोज जरांगेंच्या भेटीला; ‘या’ मुद्द्यावर चर्चा
Bacchu Kadu Meets Manoj Jarange Patil : मराठा आरक्षणासाठी मनोज जरांगे पाटील लढा देत आहेत. मराठा आरक्षणासाठी येत्या 20 जानेवारीपासून मुंबईत आंदोलन केलं जाणार आहे. मराठा आंदोलकांसह मनोज जरांगे पाटील मुंबईत येणार आहेत. याआधी बच्चू कडू यांनी जरांगेंची भेट घेतली आहे.
अंतरवली सराटी, जालना | 15 जानेवारी 2024 : आमदार बच्चू कडू यांनी आज अंतरवली सराटीत जात मनोज जरांगे पाटील यांची भेट घेतली. मराठा आरक्षणाच्या मुद्द्यावर या दोघांमध्ये चर्चा झाली.
बच्चू कडू यांनी मनोज जरांगे यांच्याशी विविध मुद्द्यांवर चर्चा केली. कुणबी प्रमाणपत्र देण्याच्या पार्श्वभूमीवर 'सगे सोयरे' या शब्दावरून सध्या संभ्रम आहे. यावर या दोघांनी चर्चा केली.
एखाद्या कुटुंबाची कुणबी असण्याची नोंद आढळली तर त्यांच्या नातलगांनाही कुणबी प्रमाणपत्र देण्यात यावं, अशी मोनज जरांगे यांची मागणी आहे. त्याच मुद्द्यावर या दोघांमध्ये चर्चा झाली.
येत्या 20 जानेवारीला मनोज जरांगे असंख्य मराठा बांधवांसोबत मुंबईत येणार आहेत. मुंबईत ते आरक्षणासाठी उपोषण करणार आहेत. याआधीच जरांगेंनी घोषणा केली आहे. या मोर्चाआधी बच्चू कडू यांनी जरांगेंची भेट घेतली.
रक्ताच्या सग्यासोयऱ्यांना कुणबी प्रमाण पत्र द्यावं, अशी मागणी जरांगेंनी केली. तसंच येत्या 20 तारखेला मुंबईला जायचंच आहे. त्यासाठी तयारीत राहा, असं आवाहनही मनोज जरांगे यांनी मराठा बांधवांना केलं आहे.
