Jitendra Awhad | ‘जितेंद्र आव्हाडांना चौकात उलट टांगून चामडी काढली पाहिजे’, ‘या’ आमदाराचे बोचरे शब्द
Jitendra Awhad | राष्ट्रवादी काँग्रेसचे नेते जितेंद्र आव्हाड यांनी प्रभू रामचंद्रांबद्दल एक वादग्रस्त वक्तव्य केलं, त्याचे पडसाद अजून उमटताना दिसत आहेत. आव्हाडांना उलट टांगून चामडी काढली पाहिजे असं एका आमदाराने म्हटलं आहे.
राष्ट्रवादी काँग्रेसचे नेते जितेंद्र आव्हाड यांनी राम मंदिर उद्घाटन सोहळ्याच्या पार्श्वभूमीवर प्रभू रामचंद्रांबद्दल एक वादग्रस्त वक्तव्य केलं होतं.
आव्हाडांच्या या वक्तव्याचे देशभरात पडसाद उमटताना दिसत आहेत. त्यांच्या वक्तव्याच्याविरोधात देशभरात निदर्शने करण्यात आली.
“राम हा शाकाहारी नव्हता, तर मांसाहारी होता. त्याने 14 वर्ष वनवास भोगला होता. मग ते शाकाहारी कसे असू शकतात?” असं वादग्रस्त वक्तव्य राष्ट्रवादी काँग्रेसचे नेते जितेंद्र आव्हाड यांनी केलं.
शिवसेना शिंदे गटाचे आमदार किशोर पाटील यांनी जितेंद्र आव्हाड यांच्यावर अत्यंत बोचरी टीका केली आहे. "संजय राऊत व जितेंद्र आव्हाड यांना चौका-चौकात उलट टांगून यांच्या चामड्या काढल्या पाहिजेत. त्याशिवाय यांचे डोके ठिकाणावर येणार नाही" असं किशोर पाटील म्हणाले.
जितेंद्र आव्हाड यांच्यासारखा विकृत माणूस माझ्या जीवनात पाहिला नाही, असं किशोर पाटील म्हणाले. शिवसेना शिंदे गटाचे आमदार किशोर पाटील यांची राऊत यांच्याबरोबर जितेंद्र आव्हाड यांच्यावर सडकून टीका.
