संपूर्ण पवार कुटुंबाचा दिवाळीचा पहिला फोटो समोर; अजितदादा फोटोत आहेत का?
Sharad Pawar Family Diwali Photo : अजित पवार भाजपसोबत गेलेत शिवाय सध्या विधानसभेची निवडणूक होतेय. पवार कुटुंबियांचा यंदाच्या दिवाळीतील पहिला फोटो समोर आला आहे. यात संपूर्ण पवार कुटुंब एकत्र दिसत आहे. मात्र या फोटोत अजित पवार दिसत आहेत का? पाहा पवार कुटुंबाचा फोटो...
दिवाळीचा सण सगळीकडे उत्साहात साजरा केला जात आहे. अशात पवार कुटुंबाचा यंदाच्या दिवाळीतील पहिला फोटो समोर आला आहे. बारामती मतदारसंघाचे शरद पवार गटाचे उमेदवार युगेंद्र पवार यांनी पवार कुटुंबाचा फोटो शेअर केलाय.
आज भाऊबीज आहे. यानिमित्त पवार कुटुंब एकत्र आलं होतं. युगेंद्र पवार यांना त्यांची बहीण सई पवार यांनी औक्षण केलं. याचा फोटो युगेंद्र पवारांनी शेअर केला आहे. दीपोत्सवाच्या प्रकाशमयी उत्सवात बहीण-भावांतील नाते उजळवणारा सण भाऊबीज... सर्वांना शुभेच्छा!, असं म्हणत युगेंद्र यांनी फोटो शेअर केलाय.
फॅमिली टाईम, असं म्हणत युगेंद्र पवारांनी संपूर्ण पवार कुटुंबाचा फोटो शेअर केलाय. यात शरद पवार सुप्रिया सुळेंसह सगळे पवार कुटुंबीय उपस्थित आहेत. अजित पवार आणि त्यांचं कुटुंब मात्र या फोटोत नाहीये.
दिवाळी पाडव्यानिमित्त 'गोविंदबाग' या शरद पवार यांच्या बारामतीतील निवास्थानी कार्यकर्ते भेटायला येतात. मात्र काल या कार्यक्रमालाही अजित पवार नव्हते. काटेवाडीत अजित पवारांनी वेगळा पाडवा साजरा केला. तिथे त्यांना भेटायला कार्यकर्ते आले होते.
दरवर्षी दिवाळीला अख्खं पवार कुटुंब एकत्र असतं. हा पवार कुटुंबाचा याआधीच्या दिवाळीतील फोटो आहे. यात अजित पवार त्यांच्या पत्नी सुनेत्रा आणि दोन्ही मुलंही दिसत आहेत. मात्र यंदा परिस्थिती बदलली आहे. पवार कुटुंबाच्या फोटोत अजित पवार नाहीत.
