Prajakta Mali: प्राजक्ता माळीने विकलं गोरेगावमधील राहतं घर? किंमत ऐकून धक्काच बसेल
Prajakta Mali: मराठमोळी अभिनेत्री प्राजक्ता माळीने काही दिवसांपूर्वी नवे घर खरेदी केल्याचे समोर आले होते. आता गोरेगावमधील फ्लॅट विकल्याचे समोर आले आहे. हा फ्लॅट किती किंमतीला विकला गेला हे ऐकून तुम्हाला धक्काच बसेल.
मराठी चित्रपटसृष्टीमधील अतिशय लोकप्रिय अभिनेत्री प्राजक्ता माळी ही कायमच चर्चेत असते. तिच्या चित्रपटांबाबत जशी प्रेक्षकांमध्ये उत्सुकता असते तसेच तिच्या खासगी आयुष्याविषयी जाणून घेण्यासाठी सर्वजण आतुर असतात. नुकताच प्राजक्ताने तिचा एक फ्लॅट विकला आहे. त्यामुळे ती चर्चेत आली आहे.
प्राजक्ता माळीने काही दिवसांपूर्वी गोरेगावमध्ये ६.४२ कोटी रुपयांना एक घर खरेदी केले. त्यानंतर आता गोरेगावमधील जुने घर प्राजक्ताने विकले असल्यामुळे चर्चांना उधाण आले आहे.
प्राजक्ता माळीने गोरेगाव पूर्व येथील ४७३ चौ.फु.चा फ्लॅट १.१२ कोटी रुपयांना विकला, असे रिअल इस्टेट अॅनालिटिक्स फर्म CRE Matrix ने मिळवलेल्या करारनाम्यानुसार समोर आले आहे. हा व्यवहार १० सप्टेंबर २०२६ रोजी नोंदवण्यात आला.
ही विक्री विशेषतः लक्षवेधी ठरली, कारण त्याच भागात प्राजक्ताने थोड्याच दिवसांपूर्वी दुसरी मालमत्ता खरेदी केली होती. १२ ऑगस्ट २०२६ रोजी नोंदवलेल्या विक्रीपत्रानुसार ६.४२ कोटी रुपयांना एक अपार्टमेंट खरेदी केले. ही मालमत्ता मोहन गोखले रोडवरील ओबेरॉय एक्स्क्विझिट येथे आहे.
विक्रीपत्रात नमूद केल्यानुसार या मालमत्तेची एकूण किंमत ६.४ कोटी रुपये होती. या खरेदीसाठी प्राजक्ता माळीने भारतीय बँकेकडून ५.७८ कोटी रुपयांचा गृहकर्ज घेतल्याचे सांगितले जाते.
