बाहेरून मोठे डबे आणण्याची काहीच गरज नाही, घरीच बनवा प्रोटीन पावडर, फक्त 3 गोष्टी आणि पावडर तयार
अनेक जण जीममध्ये जातात, जीमध्ये गेल्यानंतर अनेक जण प्रोटीन पावडर विकत घेतात. ज्यांची किंमत फार मोठी आहे... पण आता तुम्हाला घरातत प्रोटीन पावडर तयार करता येणार आहे, अतिशय सोप्या पद्धतीत तुम्ही घरीच प्रोटीन पावडर तयार करु शकतो. ज्यामुळे लगेचच जाणून घ्या, घरातच कशी तयार कराल प्रोटीन पावडर...
- आता फिटनेस फ्रिक लोकांच्या संख्येत वाढ होत आहे. तंदुरुस्त राहू इच्छिणाऱ्या, जिममध्ये जाणाऱ्या आणि वजन कमी करू इच्छिणाऱ्या लोकांसाठी प्रोटीन पावडर एक गरज बनली आहे. मलल्स वाढवण्यासाठी आणि शरीराला ऊर्जा पुरवण्यासाठी प्रोटीन ही सर्वात महत्त्वाची गोष्ट आहे.
- बहुतेक लोक बाजारातून महागड्या दरात प्रोटीन पावडर विकत घेतात. पण या कृत्रिम पावडरमध्ये गोडवा आणणारे पदार्थ आणि रसायने असण्याचा धोका असतो, ज्यामुळे तुमच्या खिशाला आणि आरोग्यालाही हानी पोहोचू शकते. आता तुम्हाला बाजारातून महागडे डबे विकत घेण्याची गरज नाही. तुम्ही घरी उपलब्ध असलेल्या सुकामेवा, बिया आणि कडधान्यांचा वापर करून पूर्णपणे नैसर्गिक आणि शुद्ध प्रोटीन पावडर तयार करू शकता.
- ही पौष्टिक पावडर बनवण्यासाठी तुम्हाला २५० ग्रॅम साल काढलेले भाजलेले चणे, १०० ग्रॅम बदाम, प्रत्येकी ५० ग्रॅम काजू व अक्रोड, ५० ग्रॅम मखाना आणि प्रत्येकी २५ ग्रॅम जवस व भोपळ्याच्या बिया लागतील.
- प्रथम, बदाम, काजू, अक्रोड आणि बिया एका पॅनमध्ये मंद आचेवर २-३ मिनिटे भाजून घ्या, म्हणजे त्यातील ओलावा निघून जाईल. त्यानंतर मखाना वेगळा कुरकुरीत होईपर्यंत भाजून घ्या. सर्व साहित्य थंड झाल्यावर, भाजलेल्या चण्यांसोबत मिक्सरमध्ये वाटून त्याची बारीक पूड करा.
- ही पावडर हवाबंद डब्यात फ्रिजमध्ये ठेवा, ती १ महिन्यापर्यंत टिकेल. व्यायामानंतर किंवा रात्री झोपण्यापूर्वी दररोज १ ते २ चमचे पावडर कोमट दुधात किंवा पाण्यात मिसळून प्यायल्यास आश्चर्यकारक फायदे मिळतील.
Follow Us
