Putin India Visit : पुतिन यांनी भारत भेटीत R-37M चं गिफ्ट दिलं, तर पाकिस्तानचं काही खरं नाही, पार वाट लागेल
Putin India Visit : इंडियन एअर फोर्स आपली शक्ती वाढवण्यासाठी अजून एक महत्वपूर्ण पाऊल उचलण्याच्या तयारीत आहे. Su-30MKI हे भारताचं प्रमुख फायटर विमान आहे. या विमानात रशियन बनावटीचं RVV-BD मिसाइल फिट करण्याचा प्रस्ताव संरक्षण अधिग्रहण परिषदेसमोर आहे.
रशियाचे राष्ट्रपती व्लादीमीर पुतिन भारत दौऱ्यावर येत आहेत. त्यांच्या या दौऱ्यात R-37M अजेंड्यावर आहे. हा करार जर झाला, तर भारताची क्षमता कैकपटीने वाढेल. पाकिस्ताची हालत अजून खराब होईल. RVV-BD हे हवेतून हवेत हल्ला करु शकणारं मिसाइल आहे. हे मिसाइल R-37M चं एक्सपोर्ट वर्जन आहे. 7408 km/hr वेगाने हे मिसाइल आपल्या लक्ष्यापर्यंत पोहोचतं. (Getty Images)
RVV-BD मिसाइलच्या प्रस्तावाची वेळ खूप खास आहे. कारण रशियन राष्ट्रपती व्लादीमीर पुतिन ब्रिक्स शिखर परिषदेसाठी भारत दौऱ्यावर येत आहेत. भारत आणि रशियामध्ये दृढ मैत्री आणि संरक्षण संबंध आहेत. भारत उद्या रशियाकडूनच ही मिसाइल विकत घेणार आहे. (Getty Images)
या मिसाइलची रेंज 300 किलोमीटरच्या आसपास आहे. एक्सपोर्ट वर्जनमध्ये या मिसाइलची रेंज 200 किलोमीटरपर्यंत मर्यादीत राहते. या मिसाइलचा मुख्य रोल AWACS एअरबोर्न वार्निंग अँड कंट्रोल सिस्टम विमानांना दूर अंतरावरुनच नष्ट करण्याचा आहे. फायर अँड फरगेट असं या मिसाइलच्या बाबतीत म्हटलं जातं. (wikimedia)
Su-30MKI हे इंडियन एअरफोर्सचं मल्टीरोल फायटर विमान आहे. इंडियन एअर फोर्सचा कणा आहे. या विमानात आधीपासूनच वेगवेगळी मिसाइल्स फिट आहेत. पण हवेतून हवेत दूरवरचं लक्ष्य भेदण्यासाठी क्षमता वाढवण्याची गरज निर्माण झाली आहे. (Getty Images)
RVV-BD मिसाइलच्या समावेशामुळे Su-30MKI ची मारक क्षमता आणखी वाढेल. शत्रुची रडार असलेली विमानं आणि अन्य महत्वाचे हवाई प्लॅटफॉर्म दूर अंतरावरुनच भेदता येतील. या मिसाइलमुळे भारतीय फायटर जेट्सना शत्रू प्रदेशात जास्त खोलवर जाण्याची गरज भासणार नाही. (Getty Images)
