समुद्रात मोठी खळबळ… प्रचंड वारा आणि भयंकर लाटा… काहीच कळलं नाही, थेट बोट समुद्रात खोल बुडाली; बोटीवरच्या माणसांचे…
Sindhudurg : सिंधुदुर्ग जिल्ह्यातील वेंगुर्ल्यातील शिरोडा समुद्रात आज पहाटे मासेमारीसाठी गेलेली बोट सोसाट्याच्या वाऱ्यामुळे समुद्रात बुडाल्याची घटना घडली आहे. याबाबत सविस्तर माहिती जाणून घेऊयात.
कोकणातून काळजाचा ठोका चुकवणारी बातमी समोर आली आहे. सिंधुदुर्ग जिल्ह्यातील वेंगुर्ल्यातील शिरोडा समुद्रात आज पहाटे मासेमारीसाठी गेलेली बोट सोसाट्याच्या वाऱ्यामुळे समुद्रात बुडाली.
समोर आलेल्या माहितीनुसार या बोटीत एकाच कुटुंबातील तीन मच्छीमार होते, यातील दोघांना वाचविण्यात यश आले आहे तर एकजण समुद्रात बुडून बेपत्ता झाला आहे.
शिरोडा केरवाडी येथील राजन सारंग हे मच्छीमार बेपत्ता असून त्यांचा शोध सुरू आहे. पहाटे अचानक झालेल्या सोसाट्याच्या वारा व पाऊस यामुळे ही मच्छिमारी बोट बुडाली.
सध्या बेपत्ता राजन सारंग यांचा समुद्रात शोध घेणे सुरू असून पोलीस घटनास्थळी दाखल झाले आहेत. मात्र पावसामुळे आणि लाटांमुळे मदतकार्यात अडथळा निर्माण होत आहे.
दरम्यान, आज पहाटे अचानक हवामानात बदल होऊन सोसाट्याचा वारा सुटला, तसेच पावसालाही सुरुवात झाली. यामुळे समुद्रात मोठ्या लाटा उसळल्या आणि पाण्याचा अंदाज न आल्याने नियंत्रण सुटून ही मच्छीमारी बोट समुद्रात उलटली.
