Eco friendly Ganesh Idol: गायक राहुल देशपांडेच्या रेणुकाने साकारली इको-फ्रेंडली बाप्पाची मूर्ती
कोरोनाच्या दोन वर्षानंतर यंदा सर्व सण उत्साहात साजरे होत आहेत . यंदा गणपती उत्सवही उत्साहात साजरा करण्यावर भर दिला जातोय. यासाठी बाप्पाच्या आगमनाची तयारी जोरात सुरु आहे.
गायक राहुल देशपांडे यांची कन्या रेणुकाचे गाण्याचे, मस्ती करतानाचे वव्हिडीओ सोशल मीडियावर सतत व्हायरल होताना दिसून येतात.नुकतीच रेणुकाने आई- व वडिलांच्या सोबत या इको-फ्रेंडली गणेशमूर्ती बनवण्याच्या उपक्रमात सहभागी झालेली दिसून आली.
राहुल देशपांडे यांनी पत्नी व मुली सोबत इको-फ्रेंडली गणेशमूर्ती बनवण्याच्या उपक्रमात सहभागी झाल्याचे फोटो आपल्या सोशल मीडिया अकाऊंटवर पोस्ट केले आहेत. यासोबत त्यांनी एकी पोस्टही लिहिली आहे.
पुणे हँडमेड पेपर्स, आर्ट पुणे फाऊंडेशन आणि पुणे महानगरपालिका यांच्यावतीनं 'रंगवा तुमचा कागदी बाप्पा' उपक्रम राबवण्यात आला होता . यामध्ये पर्यावरण पूरक गणेशोत्सव साजरा करण्यावर भरदिला जातो.
रेणुकाने या उपक्रमात स्वतःच्या हाताने इको-फ्रेंडली बाप्पाची छोटी मूर्ती साकारत मूर्तीला रंग दिला आहे.
या उपक्रमात त्यांच्यासोबत शालेय विद्यार्थीही सहभागी झाले होते. या उपक्रमात बनवण्यात आलेल्या बाप्पाच्या मूर्ती 80% कापूस-कागदाचा लगदा आणि 20% शाडू माती अशा विशिष्ट मिश्रणापासून तयार केल्या जातात. महत्वाचे म्हणजे यामध्ये वापरण्यात आलेला कागद हा वृक्षतोड करून तयार केलेला नसून, वापरलेल्या कागदाची गुणवत्ता सुधारुन म्हणजेच पेपर रिसायकल करून वापरला आहे