Skin Care Tips: ‘या’ सोप्या उपायांनी चेहऱ्याचे टॅनिंग करा दूर
टॅनिंग दूर करण्यासाठी तुम्ही अनेक नैसर्गिक गोष्टींचा वापर करू शकता. टॅनिंग दूर करण्यासोबतच या गोष्टींमुळे तुमच्या चेहऱ्यावरही चमक येते.
हानिकारक यूव्ही किरणांच्या संपर्कात आल्याने आपली त्वचा टॅन होते. हे टॅनिंग दूर करण्यासाठी तुम्ही अनेक नैसर्गिक गोष्टींचा वापर करू शकता. ज्यामुळे तुमच्या चेहऱ्यावर चमक येण्यास मदत होईल.
कोरफड व लिंबाचा रस - एका बाऊलमध्ये थोडा कोरफडीचा रस घ्या, त्यामध्ये थोडा लिंबाचा रस मिसळावा. हे दोन्ही पदार्थ नीट एकत्र मिसळावे आणि मानेवर व चेहऱ्यावर लावावे. 10 मिनिटांनंतर चेहऱ्यावरील मिश्रण सुकले की चेहरा साध्या पाण्याने स्वच्छ धुवा.
बेसन व दही - एका भांड्यात एक चमचा बेसन घ्या. त्यात 2 चमचे दही घाला. त्यामध्ये थोडा कोरफडीचा रस टाका. या सर्व गोष्टी मिसळा आणि चेहरा आणि मानेला लावा. 30 मिनिटे तसेच राहू द्या. त्यानंतर चेहरा स्वच्छ पाण्याने धुवा.
हळद आणि बेसन - हळदीचे औषधी गुणधर्म तर सर्वांनाच माहीत आहेत. सौंदर्यप्रसाधन म्हणूनही हळदीचा वापर करता येतो. टॅनिंग घालवण्यासाठी तुम्ही हळद व बेसन यांचा वापर करू शकता. त्यासाठी एका बाऊलमध्ये अर्धा चमचा हळद घ्या. त्यात एक चमचा बेसन मिसळा. त्यात थोडं दही घाला. या सर्व गोष्टी मिसळून पेस्ट तयार करा व चेहरा आणि मानेला लावा. हे मिश्रण चेहऱ्यावर 20 ते 30 मिनिटे राहू द्या. त्यानंतर साध्या पाण्याने चेहरा स्वच्छ पाण्याने धुवा.
मूगडाळ व टोमॅटो - एका भांड्यात मूग डाळ थोडा वेळ भिजत ठेवा. नंतर या डाळीची पेस्ट बनवा. त्यात टोमॅटोची पेस्ट घाला व मिश्रण एकत्र करा. हे मिश्रण चेहरा व मानेवर लावून 20 मिनिटे ठेवावे. त्यानंतर साध्या पाण्याने चेहरा स्वच्छ धुवा. यामुळे टॅनिंग कमी होऊन चेहऱ्यावर चमक येण्यास मदत होईल.
