सलमानच्या चित्रपटातून केलं डेब्यू, तरीही या अभिनेत्रींचं करिअर ठरलं फ्लॉप
बॉलिवूडचा 'भाईजान' सलमान खान इंडस्ट्रीवरच नव्हे तर प्रेक्षकांच्या मनावरही राज्य करतो. त्याने आपल्या करिअरमध्ये अनेक सुपरहिट चित्रपट दिलेत. सलमान खानच्या चित्रपटातून अनेक स्टार्सनी डेब्यू केले आणि हे स्टार्स आज इंडस्ट्रीत दबदबा आहेत. त्याने अनेक अभिनेत्रींना बॉलिवूडमध्ये लाँच केलं. मात्र, दबंग स्टारसोबत काम करूनही या अभिनेत्रींची कारकीर्द बहरली नाही. त्यांचं करिअर फ्लॉप ठरलं. या यादीत कोणाचा समावेश आहे ते पाहूया.
या यादीत पहिलं नाव येतं ते स्नेहा उल्लालचं. 2005 मध्ये रिलीज झालेल्या 'लकी नो टाईम फॉर लव्ह' या चित्रपटातून स्नेहाने सलमान खानसोबत डेब्यू केलं. मात्र चित्रपट बॉक्स ऑफिसवर काही कमाल करू शकला नाही. मात्र, स्नेहा ही ऐश्वर्या रायसारखी दिसत असल्याने ती खूप चर्चेत आली. सलमान खानसोबत डेब्यू केल्यानंतरही स्नेहा इंडस्ट्रीत काही खास छाप पाडू शकली नाही आणि काही चित्रपटांनंतर ती इंडस्ट्रीतून गायब झाली.
'तेरे नाम' या चित्रपटातून भूमिका चावलाने पदार्पण केले. सलमान - भूमिका यांची प्रमुख भूमिका असलेला हा चित्रपट सुपर-डुपर हिट ठरला. मात्र, या चित्रपटातून डेब्यू केल्यानंतरही भूमिका चावलाची कारकीर्द चांगली चालली नाही.
सलमान खानच्या 'वीर' या चित्रपटातून जरीन खानने तिच्या अभिनय कारकिर्दीला सुरुवात केली. मात्र, ती फारशी यशस्वी ठरली नाही. कतरिना कैफच्या चेहऱ्याशी असलेलं साधर्म्यही जरीन खानचं करीअर वाचवू शकलं नाही.
सोनाक्षी सिन्हाने सलमान खानसोबत 'दबंग' चित्रपटातून डेब्यू केलं. हा चित्रपट सुपर-डुपर हिट ठरला. सोनाक्षीचे थोडेफार चित्रपट चालले, पण ती खूप यशस्वी ठरली नाही.
डेझी शाहने सलमान खानच्या 'जय हो' चित्रपटातून तिच्या करिअरची सुरुवात केली होती. पण डेझी शाह देखील बॉलिवूडमध्ये आपला ठसा उमटवू शकली नाही.
