15, 20 नाहीतर तब्बल 48 खोल्या असलेला महलात राहतो ‘क्रिकेटचा बादशाह’; घराची झलक एकदा पाहाच अंबानींचे घरही फिके पडेल
क्रिकेटर लोकांच्या प्रॉपर्टी अनेक असतात तर त्या महाग पण तितक्याच असतात. पण एक असा क्रिकेटर आहे तो त्याच्या जन्मापासूनच 48 खोल्या असलेल्या महलात राहतो.
एका खानदानी कुटुंबात जन्मलेल्या सौरवचे बालपणी राजकुमाराप्रमाणे संगोपन झाले. त्यांचे वडिलोपार्जित घरसुद्धा एक महालासारखेच होते, ज्यात केवळ चार-पाच नव्हे, तर तब्बल 48 खोल्या आहेत हे ऐकून जरी कितीही नवल वाटले तरीही ते सत्य आहे.
सौरव गांगुली यांचं हे निवासस्थान तब्बल ४८ खोल्यांचं असून, त्याची गणना शहरातील सर्वात प्रतिष्ठित खासगी घरांमध्ये केली जाते. अनेक दशकांचा इतिहास असलेल्या या वास्तूमध्ये गांगुली कुटुंब आजही एकत्र वास्तव्यास आहे.
पारंपरिक बंगाली स्थापत्यशैली, जुन्या काळातील सजावट आणि सांस्कृतिक वारसा जपणारी रचना या घराचे खास आकर्षण मानली जाते. गांगुलींचा जन्म उद्योगविश्वाशी संबंधित कुटुंबात झाला. त्यांचे वडील चंडीदास गांगुली हे कोलकात्यातील प्रसिद्ध उद्योगपती होते. घरचा व्यवसाय सांभाळण्याची संधी असतानाही सौरव यांनी क्रिकेटची वाट धरली.
बंगालकडून सातत्यपूर्ण कामगिरी करत त्यांनी भारतीय संघात स्थान मिळवले आणि पुढे संघाचे नेतृत्वही केले. त्यांच्या नेतृत्वाखाली भारतीय क्रिकेटला नवी ओळख मिळाली. क्रिकेट प्रशासनाशी संबंधित कामकाज, व्यावसायिक बैठका आणि विविध महत्त्वाचे निर्णय याच ठिकाणी घेतले जातात. त्यामुळे हे घर केवळ निवासस्थान नसून त्यांच्या व्यावसायिक आयुष्याचेही महत्त्वाचे केंद्र आहे.
कोलकात्यातील या ऐतिहासिक निवासस्थानासोबतच सौरव गांगुली यांचा लंडनमध्येही एक फ्लॅट आहे असे म्हटले जात आहे. त्यांच्या स्थावर मालमत्तेची किंमत कोट्यवधी रुपयांमध्ये असल्याचे विविध माध्यमांतील अहवालांमध्ये नमूद करण्यात आले आहे
