AUS vs BAN: बांगलादेशच्या हसन महमूदने रचला इतिहास, ऑस्ट्रेलियाचा निम्म्याहून अधिक संघ केला गारद
ऑस्ट्रेलिया आणि बांग्लादेश यांच्यात पहिला कसोटी सामना सुरू आहे. या सामन्याचा पहिला दिवस वेगवान गोलंद हसन महमूदने गाजवला. त्याने ऑस्ट्रेलियाचा निम्म्याहून अधिक संघ गारद केला. विशेष म्हणजे बांगलादेशच्या वेगवान माऱ्यापुढे ऑस्ट्रेलियन संघ निष्फळ ठरला.
ऑस्ट्रेलिया आणि बांग्लादेश पहिल्या कसोटी सामन्यासाठी आमनेसामने आले आहे. 23 वर्षानंतर बांगलादेशचा संघ कसोटी मालिकेसाठी ऑस्ट्रेलिया दौऱ्यावर आहे. पण 2003 नंतर ऑस्ट्रेलियात आलेल्या बांग्लादेश संघाने ऑस्ट्रेलियाची पहिल्या दिवशी दाणादण उडवून दिली. (Photo: Getty Images)
डार्विनमध्ये सुरू असलेल्या कसोटीच्या पहिल्या दिवशी बांगलादेशी वेगवान गोलंदाजांना कहर केला. ऑस्ट्रेलियाला डोकंच वर काढू दिलं नाही. पहिल्या दिवशीच्या तिसऱ्या सेशनपर्यंत ऑस्ट्रेलियाचा संघ 198 धावा करून तंबूत परतला होता. ऑस्ट्रेलियाने कसोटीत बांगलादेशविरुद्ध कसोटीत केलेला सर्वात कमी स्कोअर आहे. (Photo: Getty Images)
ऑस्ट्रेलियाची कंबरडं मोडण्याचं काम बांगलादेशचा वेगवान गोलंदा हसन महमूदने केलं. त्याने एकट्याने ऑस्ट्रेलियाच्या निम्म्याहून अधिक खेळाडूंना तंबूचा रस्ता दाखवला. ट्रेव्हिस हेड आणि स्टीव्ह स्मिथसह सहा खेळाडूंना तंबूचा रस्ता दाखवला. (Photo: Bangladesh Cricket Twitter)
हसन महमूदने या कामगिरीसह ऑस्ट्रेलियात विक्रम रचला आहे. ऑस्ट्रेलियात कसोटीत एका डावात 5 किंवा त्याहून अधिक विकेट घेणारा पहिला बांगलादेशी खेळाडू ठरला आहे. तसेच त्याने आपल्या कसोटी कारकिर्दीत अशी कामगिरी तिसऱ्यांदा केली आहे. (Photo: Bangladesh Cricket Twitter)
हसन महमूदने 17 षटकं टाकली त्यात तीन षटकं निर्धाव होती. तर 55 धावा देत 6 गडी बाद केले. त्याने 3.20 च्या इकोनॉमीने धावा दिल्या. जेक वेदरॉल्ड, ट्रेव्हिस हेड, स्टीव्ह स्मिथ, पॅट कमिन्स, नॅथन लायन यांच्या विकेट काढल्या. (Photo: Getty Images)
