Axar Patel : अक्षर पटेलची ऐतिहासिक कामगिरी, टी20 क्रिकेटमध्ये असा कारनामा करणारा पहिला भारतीय
भारतीय संघाचा स्टार अष्टपैलू खेळाडू अक्षर पटेल याच्या शिरपेचात आणखी एक मानाचा तुरा खोवला गेला आहे. अक्षर पटेलने आंतरराष्ट्रीय क्रिकेटमध्ये एक मोठा पल्ला गाठला आहे. यापूर्वी अशी कामगिरी कोणत्याही भारतीय फिरकीपटूला जमलेली नाही.
इंग्लंडविरुद्धच्या दुसऱ्या टी20 सामन्यात भारताला पराभवाचं तोंड पाहावं लागलं. या पराभवामुळे या मालिकेत भारतीय संघ 0-1 ने पिछाडीवर आहे. असं असताना अष्टपैलू अक्षर पटेलच्या कामगिरीने लक्ष वेधून घेतलं आहे. त्याने या सामन्यात एक मोठ्या ऐतिहासिक कामगिरीची नोंद केली आहे. (PHOTO CREDIT- PTI)
अक्षर पटेलने या सामन्यात 4 षटकं टाकली आणि फक्त 20 धावा दिल्या. त्याचबरोबर एक विकेट काढली. अक्षर पटेलने इंग्लंडचा कर्णधार हॅरी ब्रूकला तंबूचा रस्ता दाखवला. (PHOTO CREDIT- PTI)
अक्षर पटेलने हॅरी ब्रूकची विकेट काढताच टी20 आंतरराष्ट्रीय क्रिकेटमध्ये 100 विकेट पूर्ण केल्या आहेत. भारताकडून टी20 आंतरराष्ट्रीय क्रिकेटमध्ये 100 विकेट घेणारा पहिला फिरकीपटू ठरला आहे. तर भारतीय गोलंदाजांच्या यादीत चौथा फिरकीपटू असल्याचा मान मिळाला आहे. (PHOTO CREDIT- PTI)
अक्षर पटेलपूर्वी टी20 क्रिकेटमध्ये भारताच्या तीन वेगवान गोलंदाजांनी विकेटचं शतक पूर्ण केलं आहे. अर्शदीप सिंग, जसप्रीत बुमराह आणि हार्दिक पांड्या यांनी 100हून अधिक विकेट घेतल्या आहे. आता फिरकीपटू अक्षर पटेल या पंगतीत बसला आहे. (PHOTO CREDIT- PTI)
अक्षर पटेलच्या टी20 आंतरराष्ट्रीय क्रिकेट कारकिर्दीला 2015 मध्ये सुरूवात झाली. त्याने 98 टी20 सामन्यात ही कामगिरी केली आहे. या फॉर्मेटमध्ये 9 धावा देत 3 गडी बाद करण्याचा सर्वोत्तम स्पेल टाकला आहे. (PHOTO CREDIT- PTI)
