AUS vs BAN: तन्झिद हसन तमीमची ऑस्ट्रेलियाच्या भूमीत ऐतिहासिक कामगिरी, शतकी खेळीसह नोंदवला असा विक्रम
ऑस्ट्रेलियाविरुद्धच्या पहिल्या कसोटी सामन्यात बांगलादेशचा संघ मजबूत स्थितीत आहे. पहिल्या डावात बांगलादेशने 153 धावांची आघाडी घेतली. यात तन्झिद हसन तमीमचं शतक महत्त्वपूर्ण ठरलं. या शतकी खेळीसह त्याने एका विक्रमाची नोंद केली आहे.
ऑस्ट्रेलियाविरुद्धच्या पहिल्या कसोटी सामन्यातील पहिल्या डावात बांगलादेशने सरशी घेतली आहे. ऑस्ट्रेलियाला पहिल्या डावात 198 धावांवर रोखलं. त्यानंतर दुसऱ्या दिवसाचा खेळ संपला तेव्हा 6 गडी बाद 351 धावा केल्या. तसेच 153 धावांची आघाडी घेतली. यात तन्झिद हसन तमीमची शतकी खेळी महत्त्वाची ठरली. (Photo: Bangladesh Cricket Twitter)
बांगलादेशचा 25 वर्षीय सलामीवीर तन्झिद हसन तमीम खेळ शून्यावरच आटोपला असता. नॅथन लायनने सोपा झेल सोडला आणि त्याचा त्याने पुरेपूर फायदा घेतला. त्याने 188 चेंडूत कसोटीतील पहिलं शतक पूर्ण केलं आणि तेही ऑस्ट्रेलियात.(Photo: Bangladesh Cricket Twitter)
तन्झिद हसन तमीमने 197 चेंडूत 8 चौकार आणि 1 षटकारासह 101 धावा केल्या आणि बाद झाला. तन्झिदचे शतक ऐतिहासिक ठरलं आहे. कसोटी क्रिकेटमध्ये ऑस्ट्रेलियाविरुद्ध बांग्लादेशी फलंदाजाने दुसरे शतक आहे. यापूर्वीचे शतक 2006 मध्ये फतुल्ला येथे शहरियार नफीसने केलेल्या 138 धावांची खेळी केली होती. (Photo: Bangladesh Cricket Twitter)
बांगलादेशचा सलामीवीर तन्झिद हसन तमीमने ऑस्ट्रेलियामध्ये ऐतिहासिक कसोटी शतक झळकावले आहे. कारण अशी कामगिरी पहिला बांगलादेशी फलंदाज ठरला आहे. कारण यापूर्वी अशी कामगिरी कोणत्याही बांगलादेशी खेळाडूला ऑस्ट्रेलियात यापूर्वी करता आलेली नाही. (Photo: Bangladesh Cricket Twitter)
तन्झिदने हा विक्रम त्याच्या कसोटी कारकिर्दीतील दुसऱ्या सामन्यात केला आहे. 2022 मध्ये डर्बन येथे दक्षिण आफ्रिकेविरुद्ध महमूदुल हसन जॉयने शतक ठोकलं होतं. चार वर्षांनी विदेशी भूमीवर बांग्लादेशी फलंदाजाने केलेले हे कसोटी शतक होतं. (Photo: Bangladesh Cricket Twitter)
