GK : क्रिकेटचा चेंडू कशापासून बनवला जातो?
Cricket Ball : क्रिकेटचा चेंडू बनवण्याची प्रक्रिया अत्यंत क्लिष्ट असते आणि त्यासाठी दर्जेदार कच्च्या मालाचा वापर केला जातो. चेंडू बनवण्यासाठी कशाचा वापर केला जातो ते जाणून घेऊयात.
गाभा : क्रिकेटच्या चेंडूचा सर्वात आतील भाग हा बुचाच्या (Cork) चुऱ्यापासून बनवलेला असतो. हा कॉर्क रबरमध्ये मिसळून त्याचा एक घट्ट गोळा तयार केला जातो, ज्यामुळे चेंडूला चांगली उसळी मिळते.
लोकरीचे धागे : कॉर्कच्या गोळ्याभोवती लोकरीच्या घट्ट धाग्यांचे अनेक वेढे दिले जातात. हे धागे चेंडूचा आकार टिकवून ठेवण्यास आणि त्याला मजबूती देण्यास मदत करतात.
चामड्याचे कवच : चेंडूचा बाहेरील भाग उच्च दर्जाच्या चामड्यापासून बनवलेला असतो. हा भाग सामान्यतः 4 तुकड्यांपासून किंवा 2 तुकड्यांपासून बनवला जातो. चामड्यावर प्रक्रिया करून त्याला लाल, पांढरा किंवा गुलाबी रंग दिला जातो.
शिलाई किंवा शिवण : चेंडूच्या दोन्ही गोलार्धांना एकत्र जोडण्यासाठी सुती धाग्याने शिवले जाते. यालाच 'सीम' म्हणतात. एका दर्जेदार चेंडूवर सुमारे ६ ओळींची शिवण असते, जी गोलंदाजाला चेंडू स्विंग करण्यासाठी महत्त्वाची ठरते.
लाख आणि पॉलिश : चेंडूला चमक देण्यासाठी आणि चामड्याचे संरक्षण करण्यासाठी त्यावर लाख आणि विशिष्ट मेणाचा थर दिला जातो. यामुळे नवीन चेंडू हवेत अधिक स्विंग होतो.
