IPL 2026 : 7 विकेट्स घेत गोलंदाजाचा कहर, थेट पहिल्या स्थानी झेप, कोण आहे तो बॉलर?
Gujarat Titans vs Mumbai Indians : पावरप्लेमधील 6 ओव्हरमध्ये फिल्डिंगवर बंधन असल्याने फलंदाजांना फटकेबाजी करुन धावा लुटण्याची सूट असते. मात्र कगिसो रबाडाने मुंबईला याच पावरप्लेमध्ये 3 झटके देत बॅकफुटवर ढकललं. रबाडाने यासह नंबर 1 ठरला. जाणून घ्या.
मुंबई इंडियन्सने सोमवारी 20 एप्रिलला गुजरात टायटन्सचा 99 धावांनी धुव्वा उडवला. मात्र गुजरातचा वेगवान गोलंदाज कगिसो रबाडा याने आपल्या धारदार बॉलिंगने कमाल केली. रबाडाने 33 धावा देत मुंबईच्या 3 फलंदाजांना आऊट केलं. रबाडाने यासह मानाच्या यादीत पहिल्या स्थानी झेप घेतली. (Photo Credit-PTI)
रबाडाने 19 व्या मोसमात 30 व्या सामन्यापर्यंत पावरप्लेमध्ये एकूण 7 विकेट्स मिळवल्या. रबाडाने याबाबत जोफ्रा आर्चर याला मागे टाकलं. जोफ्राने 6 विकेट्स मिळवल्यात. तर प्रिन्स यादव याने पावरप्लेमध्ये 3 फलंदाजांना मैदानाबाहेरचा रस्ता दाखवला. (Photo Credit-PTI)
रबाडाने मुंबईच्या डेब्युटंट दानिश मालेवार याला मैदानाबाहेरचा रस्ता दाखवला. त्यानंतर गेल्या सामन्यात शतक करणाऱ्या क्विंटन डी कॉक याला स्वस्तात आऊट केलं. (Photo Credit-PTI)
त्यानंतर रबाडाने पावरप्लेच्या शेवटच्या अर्थात सहाव्या ओव्हरमध्ये सूर्यकुमार यादव याची शिकार केली. रबाडाने सूर्याला क्लिन बोल्ड केलं. रबाडाने अशाप्रकारे पावरप्लेमध्ये मुंबईच्या टॉप ऑर्डरचं कंबरडं मोडलं. (Photo Credit-PTI)
दरम्यान रबाडाने आतापर्यंत 19 व्या मोसमातील 6 सामन्यांमध्ये 10 विकेट्स मिळवल्या आहेत. रबाडासाठी गुजरात टायटन्सने 10 कोटी 75 लाख रुपये मोजले आहेत. (Photo Credit-PTI)
