KBC : ‘कौन बनेगा करोडपति’मध्ये 25 लाख रुपयांसाठी विचारला क्रिकेटबाबत असा प्रश्न, तुम्हाला उत्तर माहिती आहे का?
कौन बनेगा करोडपति हा कार्यक्रम पुन्हा एकदा सुरु झाला आहे. गुरुवारी एका स्पर्धकाला अमिताभ बच्चन यांनी क्रिकेटशी निगडीत प्रश्न विचारला. हा प्रश्न 25 लाखांसाठी होता. नुकतीच पार पडलेल्या भारत-वेस्टइंडिज मालिकेबाबत हा प्रश्न होता. तुम्हाला या प्रश्नाचं उत्तर येतं का ते पाहा
कौन बनेगा करोडपति या कार्यक्रमात क्रिकेटशी निगडीत अनेक प्रश्न विचारले जातात. गुरुवारी असाच एक प्रश्न अमिताभ बच्चन यांनी एका स्पर्धकाला विचारला. हा प्रश्न वडील आणि मुलाच्या विकेटबाबत होता. (फोटो-ट्विटर)
अमिताभ बच्चन यांनी स्पर्धकाला विचारलं की, भारतीय क्रिकेटर ज्याने वडील आणि मुलाची विकेट घेतली आहे? हा प्रश्न 25 लाख रुपयांसाठी विचारण्यात आला होता. (फोटो-एएफपी)
भारत वेस्ट इंडिज कसोटी मालिकेत हा विक्रम आर. अश्विनने आपल्या नावावर केला होता. आर. अश्विन याने शिवनारायण चंद्रपॉल आणि त्याचा मुलगा तेजनारायण चंद्रपॉल याची विकेट घेतली आहे. (फोटो-एएफपी)
आर. अश्विन याने 2011 मध्ये शिवनारायण चंद्रपॉल याची विकेट घेतली होती. त्यानंतर 12 वर्षांनी अश्विनने तेजनारायण याला बाद करत विक्रम नोंदवला. (फोटो-एएफपी)
अश्विन पिता-पुत्राला बाद करणारा पहिला भारतीय आणि जगातील पाचवा खेळाडू आहे. यापूर्वी वसीम अक्रम, मिचेश स्टार्क, साइम हार्मर आणि इयान बॉथम यांनी ही कामगिरी केली आहे. (फोटो-एएफपी)
