IND vs AUS: Ravindra Jadeja ची विकेट काढून Nathan Lyon ने आशिया खंडात रचला नवीन विक्रम
IND vs AUS: रविंद्र जाडेजाच्या विकेटमुळे नाथन लियॉनच्या नावावर या रेकॉर्डची नोंद झालीय. एक कीर्तिमान त्याने प्रस्थापित केला आहे. इंदोरच्या होळकर स्टेडियमवर भारत-ऑस्ट्रेलियामध्ये तिसरा कसोटी सामना सुरु आहे.
इंदोर कसोटीत टीम इंडिया बॅकफुटवर आहे. लंचला खेळ थांबलाय, तेव्हा टीम इंडियाच्या 84 रन्समध्ये 7 विकेट गेल्या आहेत. ऑस्ट्रेलियाचा फिरकी गोलंदाज नाथन लियॉनने या कसोटीत विशेष कामगिरी केली. त्यामुळे संपूर्ण आशियामध्ये त्याचं नाव झालय. त्याने शेन वॉर्नचा रेकॉर्ड मोडला.
रविंद्र जाडेजाची विकेट घेऊन नाथन लियॉनने हा रेकॉर्ड केला. आशिया खंडात सर्वाधिक विकेट घेणारा परदेशी गोलंदाज बनलाय.
नाथन लियॉनने आशिया खंडात सर्वाधिक विकेट घेण्याचा शेन वॉर्नचा रेकॉर्ड मोडला. याआधी 127 विकेटसह हा रेकॉर्ड वॉर्नच्या नावावर होता. जाडेजाला बाद करुन लियॉनने आशिया खंडातील 128 वी विकेट काढली.
त्याआधी नाथन लियॉनने पुजाराला सर्वाधिक वेळ बाद करण्याच्या इंग्लंडच्या जेम्स अँडरसनच्या रेकॉर्डशी बरोबरी केली. दोघांनी आतापर्यंत 12-12 वेळा पूजाराला आऊट केलय.
बॉर्डर-गावस्कर सीरीजमध्ये नाथन लियॉन सर्वात यशस्वी बॉलर आहे. सर्वाधिक विकेट घेणाऱ्या गोलंदाजांच्या यादीत टॉप 5 मध्ये लियॉनच स्थान आहे.
