India vs England : भारताचा पहिला सराव सामना कधी आणि किती वाजता? जाणून घ्या सर्वकाही एका क्लिकवर
India vs England ODI World Cup Warm-up Match: भारताचा पहिला सराव सामना जोस बटलरच्या नेतृत्वाखालील इंग्लंडशी होणार आहे. हा सामना गुवाहाटी येथील बारसापारा क्रिकेट स्टेडियमवर होणार आहे. दोन्ही संघ आधीच गुवाहाटीला पोहोचले असून नेटमध्ये सराव सुरू केला आहे.
वनडे वर्ल्डकप स्पर्धेला अवघ्या काही दिवसात सुरुवात होणार आहे. 5 ऑक्टोबरला इंग्लंड आणि न्यूझीलंड यांच्यात सामना होणार आहे. याआधी आजपासून सराव सामने सुरू होणार आहेत. रोहित शर्माच्या नेतृत्वाखालील भारतीय संघ दोन सराव सामने खेळणार आहे.
भारताचा पहिला सराव सामना जोस बटलरच्या नेतृत्वाखालील इंग्लंडशी होणार आहे. हा सामना गुवाहाटी येथील बारसापारा क्रिकेट स्टेडियमवर होणार आहे. दोन्ही संघ आधीच गुवाहाटीला पोहोचले असून नेटमध्ये सराव सुरू आहे.
भारत आणि इंग्लंड यांच्यातील सराव सामना दुपारी 2 वाजता सुरू होईल. स्टार स्पोर्ट्स चॅनेलवर हा सामना लाईव्ह पाहता येतील. हॉटस्टार अॅप आणि वेबसाइटवर थेट लाईव्ह सामना पाहू शकता.
जोस बटलरच्या नेतृत्वाखालील इंग्लंड संघ गुरुवारी संध्याकाळी मुंबईत दाखल झाला आणि मध्यरात्री गुवाहाटीला पोहोचला. भारत आणि इंग्लंड क्रिकेट संघ रॅडिसन ब्लू हॉटेलमध्ये मुक्काम करत आहे.
टीम इंडियात शेवटच्या दिवशी मोठा बदल करण्यात आला आहे. अष्टपैलू अक्षर पटेल याला दुखापत झाल्याने रविचंद्रन अश्विनला संधी देण्यात आली आहे.
टीम इंडिया: रोहित शर्मा, शुबमन गिल, विराट कोहली, श्रेयस अय्यर, सूर्यकुमार यादव, इशान किशन, केएल राहुल, हार्दिक पांड्या (उपकर्णधार), शार्दुल ठाकुर, रवींद्र जडेजा, रविचंद्रन अश्विन, जसप्रीत बुमराह, मोहम्मद शर्मी बुमराह , मोहम्मद सिराज, कुलदीप यादव.
इंग्लंड: जोस बटलर (कर्णधार), मोईन अली, गस ऍटकिन्सन, जॉनी बेयरस्टो, हॅरी ब्रूक, सॅम करन, लियाम लिव्हिंगस्टोन, डेव्हिड मलान, आदिल रशीद, जो रूट, बेन स्टोक्स, रीस टोपले, डेव्हिड विली, मार्क वुड , ख्रिस वोक्स.
