GT vs PBKS : श्रेयस अय्यरचा धमाका, रोहित-गेलचा सिक्सचा रेकॉर्ड ब्रेक, गुजरातविरुद्ध कारनामा
Shreyas Iyer IPL 2025: श्रेयस अय्यरने मंगळवारी 25 मार्चला नरेंद्र मोदी स्टेडियममध्ये गुजरात टायटन्सविरुद्ध 97 धावांची नाबाद खेळी केली. श्रेयसने या खेळीसह मोठा विक्रम केला आहे.
पंजाब किंग्सने श्रेयस अय्यर याच्या नेतृत्वात आयपीएलच्या 18 व्या मोसमात तडाखेदार सुरुवात केली. पंजाबने गुजरातवर 11 धावांनी मात करत विजयी सलामी दिली. (Photo Credit : Bcci)
श्रेयस अय्यर याने पंजाबच्या विजयात प्रमुख भूमिका बजावली. श्रेयसने सामन्यातील पहिल्या डावात नाबाद 97 धावांची खेळी केली. श्रेयसने या खेळीत 5 चौकार आणि 9 षटकार लगावले. अय्यरने या खेळीसह ख्रिस गेल आणि रोहित शर्मा या दोघांचा षटकारांचा विक्रम मोडीत काढला. (Photo Credit : Bcci)
अय्यर याच्या नावावर कर्णधार म्हणून एका डावात सर्वाधिक षटकार खेचण्याचा विक्रम कायम आहे. अय्यरने 2018 साली केकेआरविरुद्ध 10 षटकार लगावले होते. (Photo Credit : Bcci)
अय्यरने त्यानंतर यंदा अशीच कामगिरी केली. अय्यरने गुजरात टायटन्सविरुद्ध 9 षटकार लगावले. याबाबतीत रोहित शर्मा आणि ख्रिस गेल दोघेही मागे आहेत. (Photo Credit : Bcci)
पंजाबने या सामन्यात 5 विकेट्स गमावून 243 धावा केल्या. गुजरातला 244 धावांचा पाठलाग करताना 232 धावांपर्यंतच पोहचता आलं. (Photo Credit : Bcci)
