Jorge Messi: लिओनल मेस्सीवर कोसळला दु:खाचा डोंगर, वडिलांचं 68व्या वर्षी निधन
स्टार फुटबॉलपटू लिओनल मेस्सीच्या वडिलांचं निधन झालं आहे. ओर्हे मेस्सी यांनी आपल्याला मुलाला फुटबॉलपटू करण्यासाठी खूप मेहनत घेतली. पण वयाच्या 68 व्या वर्षी त्यांचं निधन झालं. त्यामुळे लिओनल मेस्सीवर दु:खाचा डोंगर कोसळला आहे.
स्टार फुटबॉलपटू आणि अर्जेंटिनाचा कर्णधार लिओनल मेस्सी याच्यावर दु:खाचा डोंगर कोसळला आहे. फुटबॉल वर्ल्डकप 2026 स्पर्धेच्या अंतिम फेरीत पराभवाचं तोंड पाहिल्यानंतर आणखी एक धक्का बसला आहे. त्याच्या डोक्यावरून वडिलांचं छत्र हरपलं आहे. (Photo: Getty Images)
अर्जेंटिना मिडिया रिपोर्टनुसार, लिओनल मेस्सीच्या वडिलांचं वयाच्या 68व्या निधन झालं. गेल्या काही दिवसांपासून ते आजारी होते. अर्जेटिनातील रोसारियो शहरातील एका रुग्णालयात उपचारादरम्यान त्यांचा मृत्यू झाला. (Photo: Getty Images)
वर्ल्डकप 2026 स्पर्धेदरम्यान मेस्सीच्या वडिलांच्या तब्येतीबाबत चर्चा रंगली होती. तेव्हा कुटुंबियांनी आवाहन करत सांगितलं होतं की, गोपनियतेचा आदर करावा आणि अफवा व तर्क टाळावेत.(Photo: Getty Images)
लिओनल मेस्सी याला फुटबॉलच्या उंच शिखरावर पोहोचवण्यात त्याचे वडील ओर्हे मेस्सी यांचाही हातभार आहे. मेस्सी 3 वर्षांचा असताना ओर्हे यांनी त्याला रोजारियोवरून स्पेनला आणलं. तसेच बार्सिलोनासोबत करार केला. (Photo: Getty Images)
लिओनल मेस्सीचा एजंट म्हणून त्याच्या कारकिर्दीत महत्त्वाच्या निर्णयात ओर्हे यांनी महत्त्वाची भूमिका बजावली. मेस्सीच्या करारापासून व्यावसायिक हितसंबंधांपर्यंत आणि क्लबच्या निवडीपर्यंत प्रत्येक गोष्टीत ओर्हेची भूमिका होती. मेस्सी प्रत्येक मोठ्या निर्णयात वडिलांच्या मताला प्राधान्य देत असे. (Photo: Getty Images)
