IPL 2026 Final : अहमदाबादला चौथ्यांदा फायनलचा मान, मुंबईत किती वेळा अंतिम फेरीचं आयोजन?
IPL Finals Venue : गतविजेत्या संघाच्या होम ग्राउंडमध्ये आयपीएलच्या स्पर्धेतील अंतिम सामना खेळवण्याची पद्धत आहे. मात्र यंदा आयपीएलच्या 19 व्या मोसमात बंगळुरुऐवजी गुजरातमध्ये अंतिम सामना होणार आहे.या निमित्ताने आतापर्यंत कुठे कुठे अंतिम सामन्याचं आयोजन करण्यात आलंय हे जाणून घेऊयात.
बीसीसीआयने 6 मे रोजी आयपीएल 2026 प्लेऑफचं वेळापत्रक जाहीर केलं. त्यानुसार अहमदाबादमधील नरेंद्र मोदी स्टेडियममध्ये अंतिम सामन्याचं आयोजन करण्यात आलं आहे. या निमित्ताने कोणत्या ठिकाणी आतापर्यंत सर्वाधिक वेळा अंतिम सामन्याचं आयोजन करण्यात आलंय हे जाणून घेऊयात. (Photo Credit: PTI/Getty)
अहमदाबादमध्ये सर्वाधिक वेळा आयपीएल स्पर्धेच्या अंतिम फेरीचं आयोजन करण्यात आलं आहे. यंदा अहमदाबादमध्ये फायनल खेळवण्याची चौथी वेळ असणार आहे. याआधी या मैदानात 2025, 2023 आणि 2022 साली फायनल मॅच खेळवण्यात आली होती. (Photo Credit: PTI/Getty)
अहमदाबादनंतर चेन्नईच्या चेपॉक अर्थात एमए चिदंबरम स्टेडियममध्ये सर्वाधिक 3 वेळा अंतिम सामना खेळवण्यात आला आहे. या मैदानात 2024, 2012 आणि 2011 साली आयपीएल स्पर्धेतील अंतिम सामना खेळवण्यात आला होता. (Photo Credit: PTI/Getty)
तसेच एकूण 5 ठिकाणी प्रत्येकी 2 वेळा अंतिम सामना खेळवण्यात आला आहे. बंगळुरु, कोलकाता, दुबई, हैदराबाद आणि नवी मुंबईतील डी वाय पाटील स्टेडियमला प्रत्येकी 2 वेळा अंतिम सामन्याच्या यजमानपदाचा मान मिळाला आहे. (Photo Credit: PTI/Getty)
तसेच स्पर्धेच्या इतिहासात फक्त 2 ठिकाणीच प्रत्येकी 1-1 वेळा अंतिम सामना खेळवण्यात आला आहे. या 2 ठिकाणांमध्ये मुंबईतील वानखेडे स्टेडियम आणि जोहान्सबर्गचा समावेश आहे. (Photo Credit: PTI/Getty)
