Asia Cup मध्ये आतापर्यंत टीम इंडियाच्या दोघांनीच केलाय कारनामा, रोहित-विराटला जमेल का?
Asia Cup | टीम इंडियाने आतापर्यंत सर्वाधिक वेळा आशिया कप जिंकण्याचा रेकॉर्ड केला आहे. मात्र आतापर्यंत टीम इंडियाकडून फक्त दोघांनाच ही कामगिरी करता आली आहे.
माजी क्रिकेटर नवज्योत सिंह सिद्धू हे वनडे आशिया कपमध्ये 'प्लेअर ऑफ द सीरिज' पुरस्कार जिंकणारे पहिलेच भारतीय ठरले. नवज्योत सिंह सिद्धू याने 1988 मध्ये ही कामगिरी केली होती. त्यानंतर 1995 मध्ये सिद्धू पुन्हा आशिया कप स्पर्धेत प्लेअर ऑफ द सीरिज ठरले. सिद्धू हे एकमेव भारतीय आहेत, ज्यांनी 2 वेळा हा पुरस्कार जिंकलाय.
टीम इंडियाचा सलामीवीर फलंदाज शिखर धवन याने 2018 मध्ये हा पुरस्कार जिंकला होता. धवनने टीम इंडिया आशिया चॅम्पियन करण्यात तेव्हा मोठी भूमिका बजावली होती.
श्रीलंकेकडून माजी कर्णधार अर्जुन राणातुंगा (1986, 1997), सनथ जयसूर्या (2004), अजंता मेंडिस (2008) आणि लाहिरू थिरीमाने (2014) श्रीलंकेच्या हे 4 दिग्गज आशिया कपमध्ये प्लेअर ऑफ द सीरिज ठरले आहेत.
तसेच पाकिस्तानकडून माजी फलंदाज मोहम्मद युसूफ याने 2002 आणि बांगलादेशचा ऑलराउंडर शाकिब अल हसन याने 2012 मध्ये प्लेअर ऑफ द सीरिज हा पुरस्कार जिंकला होता.
