पाकिस्तान सुपर लीग स्पर्धा रद्द होणार! विदेशी खेळाडूंची धाकधूक वाढली, मायदेशी परतण्याचे संकेत
पहलगाम दहशतवादी हल्ल्यानंतर भारताने जशाच तसं उत्तर देण्याचं ठरवलं आणि प्रत्यक्षात तशीच कृती केली जात आहे. पाकिस्तानविरुद्ध ऑपरेशन सिंदूर राबवलं जात आहे. या माध्यमातून पाकिस्तानातील 9 दहशतवादी ठिकाणं उद्ध्वस्त केली आहेत. यामुळे पाकिस्तान सुपर लीग स्पर्धेत खेळणारे विदेशी खेळाडू चिंतेत आहेत.
पाकिस्तान सुपर लीग स्पर्धा सुरु असून अंतिम सामना 18 मे रोजी होणार आहे. या स्पर्धेत अनेक विदेशी खेळाडूंनी भाग घेतला आहे. पण आता ही स्पर्धा पूर्ण होणार की नाही याबाबत चिंता आहे. भारत पाकिस्तान युद्धजन्य स्थिती पाहता खेळाडूंनी मायदेशी परतण्याचा विचार करत आहेत.
पाकिस्तान सुपर लीगमध्ये असलेल्या इंग्लंडचा यष्टीरक्षक-फलंदाज सॅम बिलिंग्जने त्याच्या एक्स अकाउंटवर भारत आणि पाकिस्तानमधील परिस्थिती लवकरात लवकर सुधारावी अशी प्रार्थना करत लक्ष वेधले आहे. यावरून पाकिस्तानातील स्थिती नाजूक असल्याचं स्पष्ट होत आहे.
सॅम बिलिंग्ज यावर्षीच्या पाकिस्तान सुपर लीगमध्ये लाहोर कलंदर्सकडून खेळत आहे. आता असे वृत्त आहे की बिलिंग्जसह अनेक इंग्लंड खेळाडूंनी पीएसएल आयोजकांशी स्पर्धा अर्धवट सोडण्याबाबत चर्चा केली आहे.
इंग्लंडचे जेम्स विन्स, टॉम करन, सॅम बिलिंग्ज, ख्रिस जॉर्डन, डेव्हिड विली, ल्यूक वूड आणि टॉम कोहलर-कॅडमोर यांनी पाकिस्तान सुपर लीगमध्ये खेळत आहेत. भारत आणि पाकिस्तानमधील युद्धाच्या भीतीमुळे या खेळाडूंच्या मायदेशी परतण्याची शक्यता वाढली आहे.
सॅम बिलिंग्ज यापूर्वी इंडियन प्रीमियर लीगमध्ये दिल्ली कॅपिटल्स, चेन्नई सुपर किंग्ज आणि कोलकाता नाईट रायडर्सकडून खेळला होता. 27 डाव खेळणाऱ्या बिलिंग्सने तीन अर्धशतकांसह एकूण 503 धावा केल्या होत्या.
यावर्षीच्या आयपीएलमध्ये त्याला संधी न मिळाल्याने तो पाकिस्तान सुपर लीगकडे वळला. सॅम बिलिंग्ज म्हणाले की, सध्याच्या युद्धाच्या धोक्यामुळे दोन्ही देशांमधील परिस्थिती लवकरात लवकर सुधारावी अशी प्रार्थना करत आहेत. (सर्व फोटो- टीव्ही 9 कन्नड)
