IPL 2025 : आयपीएल स्पर्धेच्या पहिल्या चार सामन्यात आरसीबीचा लागणार कस, असं असेल गणित
आयपीएल 2025 स्पर्धेचं वेळापत्रक जाहीर झालं आहे. 18 व्या पर्वात आरसीबीचं जेतेपदाचं स्वप्न पूर्ण होणार का? याकडे चाहते डोळे लावून बसले आहेत. असं असताना वेळापत्रक पाहता आरसीबीला पहिल्या चार सामन्यात खडतर आव्हान असणार आहे. का ते जाणून घ्या
आयपीएल 2024 स्पर्धा 22 मार्चपासून सुरु होणार आहे. या स्पर्धेतील पहिला सामना कोलकात्याच्या ईडन गार्डनवर होणार आहे. रॉयल चॅलेंजर्स बंगळुरु आणि कोलकाता नाईट रायडर्स यांच्यात लढत होणार आहे. पहिल्या चार सामन्यात आरसीबी चॅम्पियन संघांशी सामना करणार आहे. हे चारही संघ बलाढ्य आहेत.
रॉयल चॅलेंजर्स बंगळुरूचा दुसरा सामना 28 मार्च रोजी चेन्नई सुपर किंग्जशी होईल. हा सामना चेन्नईतील चेपॉक स्टेडियमवर होणार आहे. चेन्नईने आतापर्यंत पाच जेतेपदांवर नाव कोरलं आहे.
2 एप्रिल रोजी तिसऱ्या सामन्यात आरसीबीचा सामना 2022 च्या विजेत्या गुजरात टायटन्सशी होईल. हा सामना बेंगळुरूच्या चिन्नास्वामी स्टेडियमवर होणार आहे.
7 एप्रिल रोजी आरसीबीचा चौथा सामना गतविजेत्या मुंबई इंडियन्सशी होईल. हा सामना मुंबईतील वानखेडे स्टेडियमवर होणार आहे.
आरसीबीचा सामना 10 एप्रिल रोजी दिल्ली कॅपिटल्स, 13 एप्रिल रोजी राजस्थान रॉयल्स आणि 18 एप्रिल रोजी पंजाब किंग्जशी होईल. आरसीबी पहिल्या फेरीत बेंगळुरूमध्ये फक्त तीन सामने खेळेल.
