Cricket | दुर्गा देवीचा भक्त आहे हा खेळाडू, प्रत्येक मालिकेआधी मंदिरात देवदर्शनाला उपस्थिती
टीम इंडियाचे स्टार बॅट्समन विराट कोहली आणि केएल राहुल या दोघांनी स्वतंत्ररित्या देवदर्शन केलं होतं. या दोघांचे फोटो व्हायरल झाले होते. त्यानंतर आता आणखी एका क्रिकेटरचे फोटो व्हायरल झाले आहेत.
भारतात नवरात्र साजरी केली जातेय. या नऊ दिवसांचा उत्सव देशाच्या कानाकोपऱ्यात साजरा केला जातोय. दक्षिण आफ्रिकेचा स्टार खेळाडू केशव महाराज हा देवीचा भक्त आहे.
दक्षिण आफ्रिकेचा क्रिकेटर केशव महाराज याचा भारत आणि हिंदू धर्माशी संबंध आहे. केशवचे कुटुंब उत्तर प्रदेशातील सुलतानपूरचे रहिवासी आहे. केशवचे वडील 1984 मध्ये डर्बनला गेले होते. केशव दक्षिण आफ्रिकेत मोठा झाला. मात्र त्यानंतरही त्याची नाळ धर्माशी कायम आहे.
केशवच्या इन्स्टाग्रामवर दुर्गा मातेसह अनेक देवदेवतांची फोटोज आहेत. केशव नवरात्रीच्या मुहूर्तावर त्याच्या चाहत्यांना या सणाच्या शुभेच्छा देतो. तसेच केशव रामनवमी, जन्माष्टमीच्या निमित्ताने आवर्जून शुभेच्छा देतो.
दक्षिण आफ्रिका टीम गेल्या वर्षी नवरात्रीदरम्यान भारत दौऱ्यावर होता. त्यानंतर केशव महाराज केरळमधील प्रसिद्ध पद्मनाभ स्वामी मंदिरात दर्शनासाठी गेला होता. तेव्हा केशवचा धोतर घातलेला फोटो व्हायरल झाला होता.
केशवने हिंदू पद्धतीने लग्न केलंय. तसेच श्रीलंकेत त्याच्या बहिणीचे हिंदू रितीरिवाजांनुसार लग्न झालंय. यातून केशवची देवावरील श्रद्धा दिसून येतं.
