IND vs ENG : टीम इंडियाने कसोटीत षटकारांचा इतिहास रचला, 50 वर्षे जुना विक्रम मोडला
भारत आणि इंग्लंड यांच्यात तिसरा कसोटी सामना लॉर्ड्सवर सुरु आहे. दुसऱ्या डावाचा खेळ सुरु आहे. दरम्यान, या मालिकेत फलंदाजांनी धावांचा डोंगर रचला आहे. इतकंच काय तर भारताने षटकारांच्या बाबतीत इतिहास रचला आहे.
भारत आणि इंग्लंड तिसऱ्या कसोटी सामन्यात काय होते? याची उत्सुकता शिगेला पोहोचली आहे. दोन सामन्यात 1-1 अशी स्थिती आहे. त्यामुळे तिसऱा सामना जिंकून मालिकेत आघाडी घेण्याचा दोन्ही संघांचा प्रयत्न आहे. दरम्यान भारताने या मालिकेत एक मोठा विक्रम रचला आहे. (Photo : BCCI Twitter)
भारताने विदेशी भूमीवर कसोटीत सर्वाधिक षटकार मारण्याचा विक्रम मोडून इतिहास रचला आहे. यापूर्वी वेस्ट इंडिजने 1974-75 कसोटी मालिकेत सर्वाधिक षटकार मारण्याची किमया साधली होती. पण आता हा भारताने विक्रम मोडीत काढला आहे. (Photo : BCCI Twitter)
वेस्ट इंडिजने भारताविरुद्ध 1974-75 या वर्षात खेळलेल्या पाच सामन्यांच्या कसोटी मालिकेत एकूण 32 षटकार मारले होते. त्यानंतर कोणत्याही संघाने विदेशी भूमीवर इतके षटकार मारले नव्हते. भारताने हा विक्रम 50 वर्षानंतर मोडीत काढला आहे. (Photo : BCCI Twitter)
भारताने इंग्लंडविरुद्धच्या कसोटी मालिकेत आतापर्यंत एकूम 35 षटकार मारले आहेत. पहिल्या कसोटी सामन्यात 12 आणि दुसऱ्या कसोटी सामन्यात 18 षटकार मारले होते. तेव्हा षटकारांची संख्या 30 होती. (Photo : BCCI Twitter)
भारताने तिसऱ्या कसोटीच्या पहिल्या डावात एकूण पाच षटकार मारले. तसेच वेस्ट इंडिजचा 32 षटकारांचा विक्रम मोडीत काढला. अजूनही भारताचा एक डाव शिल्लक आहे. (Photo : BCCI Twitter)
