महेंद्रसिंह धोनी टिमसोबत का बसत नव्हता? अंबाती रायडूने सांगितली ड्रेसिंग रूममधील बातमी
महेंद्रसिंह धोनीसोबत ड्रेसिंग रूम शेअर केलेल्या अंबाती रायडूने त्याच्या वाढदिवशी एक गुपित उघड केलं आहे. महेंद्रसिंह धोनी डगआऊट ऐवजी ड्रेसिंग रूमध्ये बसणं पसंत करतो. त्याचं कारण अंबाती रायडूने सांगितलं आहे.
भारताचा माजी कर्णधार महेंद्रसिंह धोनीचा 7 जुलैला 45वा वाढदिवस साजरा झाला. धोनीच्या या वाढदिवसी त्याचा जुना सहकारी अंबाती रायडू याने एक मोठा खुलासा केला आहे. (PHOTO CREDIT- GETTY)
टी20 क्रिकेटमध्ये संपूर्ण संघ डगआऊटमध्ये म्हणजेच बाउंड्री लाईनजवळ बसून सामना पाहणं पसंत करतात. पण धोनी तिथे बसण्याऐवजी ड्रेसिंग रूमध्ये बसणं पसंत करतो. धोनीच्या या सवयीमागील गुपित अंबाती रायडूने सांगितलं. (PHOTO CREDIT- GETTY)
चेन्नई सुपर किंग्समध्ये खेळताना धोनीसोबत ड्रेसिंग रूम शेअर करणाऱ्या रायडूने त्याच्या जन्मदिनी याबाबतचा खुलासा केला आहे. अंबाती रायडूने सांगितलं की जगभरातील कोट्यवधी चाहत्यांच्या मनावर राज्य करणाऱ्या धोनीला खरं तर मैदानातील गोंगाट आवडत नाही. (PHOTO CREDIT- GETTY)
अंबाती रायडूने सांगितलं की, धोनीला स्टेडियममधील प्रेक्षकांचा मोठा गोंगाट आवडत नाही. म्हणूनच तो डगआऊटच्या गजबजाटापासून दूर, ड्रेसिंग रूमच्या एकांतात राहणे पसंत करतो. फलंदाजीपूर्वी त्याला पूर्णपणे शांत वातावरण हवे असते. (PHOTO CREDIT- GETTY)
धोनी ड्रेसिंग रूममध्ये शांत बसून श्वास आणि मनावर नियंत्रण ठेवतो. त्यामुळे मैदानात उतरल्यावर दबावाखालीही धोनी शांत असतो. असं करण्यामुळे धोनी मैदानात कूल राहात असावा. धोनीला कॅप्टन कूल म्हणून संबोधलं जातं. (PHOTO CREDIT- PTI)
