IPL | महेंद्रसिंह धोनी आयपीएल 2024 स्पर्धा खेळणार की नाही? पत्नी साक्षी हिने दिले असे संकेत
महेंद्रसिंग धोनीच्या नेतृत्वाखाली चेन्नई सुपर किंग्जला आयपीएल 2023 मध्ये पाचव्यांदा विजेतेपद मिळालं. धोनीने या स्पर्धेत चांगली फलंदाजी केली होती.आता आयपीएल 2024 स्पर्धेत खेळणार की नाही? याबाबत प्रश्न विचारला जात आहे.
आयपीएल 2023 स्पर्धेत धोनी गुडघ्याच्या दुखापतीमुळे त्रस्त होता. आयपीएलमध्येच त्याच्या गुडघ्याला दुखापत झाली होती.
स्पर्धा संपल्यानंतर धोनीच्या गुडघ्यावर शस्त्रक्रिया करण्यात आली. आता त्याच्या रिकव्हरीबाबत एक मोठे अपडेट समोर आले आहे. एमएस धोनीची पत्नी साक्षीने महत्त्वाची माहिती दिली आहे.
साक्षी एका चाहत्याला धोनीच्या स्थितीबद्दल एका व्हिडीओत माहिती दिली आहे. धोनीच्या रिकव्हरीबद्दल उत्तर देताना पत्नी साक्षीने आधी थम्ब्स-अपने चांगल्या स्थितीबाबत सांगितले.
साक्षी म्हणाली की, तो बरा होत आहे. तो रिहॅबमध्ये आहे. यानंतर साक्षीदाराने फिंगर क्रॉसचे संकेतही दिले.
आयपीएल 16 मध्ये धोनीने 16 सामन्यांच्या 11 डावांमध्ये फलंदाजी करत 34.67 च्या सरासरीने आणि 185.71 च्या स्ट्राइक रेटने 104 धावा केल्या. यात त्याची सर्वोच्च धावसंख्या नाबाद 32 होती. स्पर्धेत त्याने 3 चौकार आणि 10 षटकार मारले.
चेन्नई सुपर किंग्जला पाचव्यांदा चॅम्पियन बनवणाऱ्या महेंद्रसिंग धोनीच्या भविष्याबद्दल कोणतीही अधिकृत माहिती नाही. आयपीएल 2024 मध्ये खेळणार की नाही, याबाबत अद्याप काहीही स्पष्ट झालेले नाही.
