Women T20 WC 2026: इंग्लंडनंतर न्यूझीलंड संघाची घोषणा, या दोन खेळाडूंचा शेवटचा वर्ल्डकप
New Zealand squad, Women T20 World Cup 2026: वुमन्स टी20 वर्ल्डकप 2026 स्पर्धेला आता दीड महिन्यांचा अवधी शिल्लक राहिला आहे. असं असताना संघांची घोषणा होताना दिसत आहे. इंग्लंडनंतर आता न्यूझीलंडने 15 सदस्यीय संघाची घोषणा केली आहे.
वुमन्स टी20 वर्ल्डकप 2026 स्पर्धेसाठी न्यूझीलंडने आपल्या संघाची घोषणा केली आहे. इंग्लंडनंतर संघाची घोषणा करणारा दुसरा संघ ठरला आहे. न्यूझीलंडने आपल्या संघातील 15 खेळाडूंची नाव घोषित केली आहेत. (Photo: WHITE FERNS Twitter)
टी20 वर्ल्डकप 2026 स्पर्धेसाठी न्यूझीलंडच्या वुमन्स संघाची धुरा अमेलिया केरच्या हाती असणार आहे. या संघात दोन वरिष्ठ खेळाडूंना संधी मिळाली आहे. त्यांच्या क्रिकेट कारकिर्दीतील हा शेवटचा वर्ल्डकप आहे. हे दोन्ही खेळाडू टी20 वर्ल्डकप स्पर्धेनंतर निवृत्त होणार आहेत. (Photo: WHITE FERNS Twitter)
गतविजेत्या न्यूझीलंडच्या 15 सदस्यीय संघत सहभागी असलेल्या सोफी डिव्हाईन आणि ली ताहुहूसाठी हा शेवटचा वर्ल्डकप असणार आहे. या दोघांनी टी20 वर्ल्डकपनंतर निवृत्ती घेणार असल्याचं आधीच घोषित केलं आहे. (Photo: WHITE FERNS Twitter)
वुमन्स टी20 वर्ल्डकप स्पर्धेसाठी न्यूजीलंडचा संघ : अमेलिया केर (कर्णधार), सूजी बेट्स, सोफी डिव्हाइन, फ्लोरा डिवोनशर, इजी गेज, मॅडी ग्रीन, ब्रूक हालीडे, ब्री इलिंग, पोली इंग्लिस, जेस केर, रोजमॅरी मायर, नेन्सी पटेल, जॉर्जिया प्लीमर, इजी शार्प, ली ताहुहू. (Photo: WHITE FERNS Twitter)
वुमन्स टी20 वर्ल्डकप 2026 स्पर्धा 12 जूनपासून सुरू होणार आहे. या स्पर्धेचं यजमानपद इंग्लंडकडे आहे. न्यूझीलंडचा या स्पर्धेतील पहिला सामना 13 जूनला वेस्ट इंडिजविरुद्ध होणार आहे. या स्पर्धेत एकूण 12 संघ असून दोन गट पडले आहेत. ऑस्ट्रेलिया, बांग्लादेश, भारत, नेदरलँड, पाकिस्तान आणि दक्षिण अफ्रिका एका गटात आहेत. तर इंग्लंड, आयर्लंड, न्यूझीलंड, स्कॉटलँड, श्रीलंका आणि वेस्ट इंडिज एका गटात आहेत. (Photo: WHITE FERNS Twitter)
