Marathi News Photo gallery Sridevi Iconic Megha Re Megha Song How Unexpected Rain Turned the Lamhe Classic into a Timeless Hit
34 वर्षांपूर्वीचे श्रीदेवीचे गाणे, कॅमेरा चालू करताच सुरु झाला धो धो पाऊस… निर्मात्याच्या त्या निर्णयामुळे ठरलं हिट
34 वर्षांपूर्वी दिवंगत अभिनेत्री श्रीदेवेचे एक गाणे प्रदर्शित झाले होते. या गाण्यासाठी निर्मात्यांनी काही वेगळा प्लान आखला होता पण अचानक सुरु झालेल्या पावसाने संपूर्ण गाण्याचे वातावरणच बदलून टाकलंय.
श्रीदेवी यांना बॉलिवूडची 'डान्सिंग क्वीन' म्हटले जाते. त्यांनी आपल्या करिअरमध्ये असे अनेक डान्स नंबर दिले, ज्यात त्यांचे सौंदर्य, अभिव्यक्ती आणि डान्सची अनोखी स्टाइल पाहायला मिळाली. पण एका गाण्याच्या शूटिंगदरम्यान असे काही घडले की, ते गाणे कायमचे खास बनले. शूटिंग सुरू होण्यापूर्वी निर्मात्यांनी जे प्लॅन केले होते ते वेगळे होते, पण कॅमेरा चालू होताच वातावरणाने अशी साथ दिला की, संपूर्ण माहौलच बदलला.
1 / 5
आम्ही ज्या गाण्याबद्दल बोलत आहोत ते 'लम्हे' चित्रपटातील प्रसिद्ध गाणे 'मेघा रे मेघा रे' आहे. या गाण्यात श्रीदेवी महत्त्वाच्या भूमिकेत दिसली होती. या गाण्याच्या शूटिंगदरम्यान दिग्दर्शक यश चोप्रा यांनी सुरुवातीला नकली पावसाने सीन शूट करण्याची तयारी केली होती.
2 / 5
मात्र, जसा कॅमेरा सुरू झाला आणि शूटिंग सुरू झाले, तसे अचानक हवामान बदलले आणि जोरदार पाऊस सुरू झाला. त्यानंतर निर्मात्यांनी खऱ्या पावसातच संपूर्ण गाणे शूट करण्याचा निर्णय घेतला. पावसाच्या सरींमध्ये श्रीदेवी यांनी अप्रतिम डान्स केला.
3 / 5
सुमारे ४ मिनिटांचे हे गाणे रिलीज झाल्यानंतर प्रेक्षकांच्या मनात विशेष स्थान मिळवून बसले. या गाण्याची शूटिंग राजस्थानातील मांडवा येथे झाली होती. तिथील सुंदर लोकेशन आणि राजस्थानी वातावरणाने गाण्याला अधिक खास बनवले. या गाण्यात राजस्थानच्या लोकसंस्कृती आणि संगीताची झलक स्पष्ट दिसते. हे केवळ एक फिल्मी गाणे नव्हते, तर भारतीय संस्कृतीशी जोडलेले एक अविस्मरणीय गाणे बनले.
4 / 5
श्रीदेवी यांच्या या सुंदर गाण्याला लता मंगेशकर यांनी आपली आवाज दिला. तर इला अरुण यांच्या आवाजाने त्यात राजस्थानी लोकसंगीताचा रंग भरला. गाण्याचे बोल प्रसिद्ध गीतकार आनंद बक्षी यांनी लिहिले होते. मधुर संगीत शिव-हरि जोडीने तयार केले, ज्यात शिवकुमार शर्मा आणि हरिप्रसाद चौरसिया यांचा समावेश होता. सर्व कलाकारांच्या मेहनतीने हे गाणे अविस्मरणीय बनले.
