Suryakumar Yadav : ‘तो माझी बॅट तोडतो किंवा पाय…’, सूर्यकुमार यादव कोणाच्या गोलंदाजीला इतका घाबरतो?
Suryakumar Yadav : सूर्यकुमार यादवने आयपीएल 2024 मधला दुसरा सामना खेळताना धमाका केला. त्याने रॉयल चॅलेंजर्स बंगळुरुच्या गोलंदाजांचा अक्षरक्ष: पालापाचोळा केला. वानखेडेवर सूर्या नावाच वादळ रोखण हे RCB ला नाही जमलं.
सूर्यकुमार यादवने काल तुफानी बॅटिंग केली. मुंबई इंडियन्सच्या दुसऱ्या विजयात त्याने महत्त्वाची भूमिका बजावली. अवघ्या 19 चेंडूत 52 धावा फटकावल्या. यात 5 फोर, 4 सिक्स होते.
सूर्यकुमार यादव गोलंदाजांची चांगलीच धुलाई करतो. T 20 मध्ये सूर्यासमोर कितीही मोठा गोलंदाज असला, तरी फिका पडतो. पण असाही एक जण आहे, जो सूर्यावर भारी पडतो.
सूर्यकुमार यादवची जेव्हा कधी त्याच्याशी भेट होते, तेव्हा तो बॅट तोडतो किंवा त्याचा पाय. कोण आहे तो?.
सूर्यकुमार यादवचा इशारा जसप्रीत बुमराहकडे आहे. RCB विरुद्ध मॅचनंतर सूर्यकुमार बोलला की, बुमराहला टीममध्ये पाहून खूप समाधान मिळतं.
जगभरातील गोलंदाजांना झोडून काढणाऱ्या सूर्यकुमार यादवने सांगितलं की, मागच्या 2-3 वर्षांपासून त्याने नेट्समध्ये बुमराहच्या गोलंदाजीवर सराव केलेला नाहीय.
सूर्यकुमार यादवने यामागच कारण सुद्धा सांगितलं. बुमराह समोरुन गोलंदाजी करताना बॅट किंवा पाय तुटण्याचा धोका असतो.
सूर्यकुमार यादवने RCB विरुद्ध तुफानी फलंदाजी केली. त्याने T20 करिअरमधील वेगवान अर्धशतक झळकावलं. त्याने 17 चेंडूत हाफ सेंच्युरी झळकवली.
सूर्यकुमार यादवच्या आधी जसप्रीत बुमराहने आपल्या भन्नाट बॉलिंगच कौशल्य दाखवलं. RCB विरुद्ध त्याने 21 धावा देऊन 5 विकेट काढले.
सूर्यकुमार यादव T20 स्पेशलिस्ट फलंदाज म्हणून ओळखला जातो. सूर्यकुमारने शेवटचा 2022 मधला T20 वर्ल्ड कप गाजवला होता.
टीम अडचणीत असताना फलंदाजीला आल्यानंतर सूर्यकुमार दबाव घेत नाही. उलट तो प्रतिस्पर्धी टीमच्या गोलंदाजांवर हल्ला चढवतो. सूर्यकुमारच्या या धक्क्यातून सावरण भल्या भल्या गोलंदाजांना जमत नाही.
