जगातील सर्वात छोटे 5 देश, एखाद्या गावखेड्या इतकी कमी लोकसंख्या
जगात एकूण १९५ देश आहेत.ज्यातील काही क्षेत्रफळाने प्रचंड मोठे तर काही एकदमच छोटे. जगातील काही देश इतके लहान आहे की तेथील लोकसंख्या एकदमच कमी आहे. परंतू हे विविध वैशिष्ट्यपूर्ण असलेले देश त्यांची स्वतंत्र संस्कृती आणि इतिहास याबद्दल ओळखले जातात. चला तर जगातील सर्वात लहान 5 देश कोणते ते पाहूयात...
जगातील छोट्या देशांच्या यादीत पाचवा सर्वात छोटा देश सॅन मॅरिनो (San Marino ) आहे. या देशाचे वैशिष्ट्ये म्हणजे याचे क्षेत्रफल केवल ६१ चौरस किलोमीटर आहे. या देशाची लोकसंख्या सुमारे ३३,२०३ इतकी आहे.
छोट्या देशाच्या क्रमवारीत तुवालु (Tuvalu) हा जगातील चौथा सर्वात छोटा देश आहे. या देशाचे क्षेत्रफळ अवघे २६ चौरस किलोमीटर आहे. या छोट्या देशाची लोकसंख्या सुमारे ११,०९७ इतकी कमी आहे. या तुवालू देशाची राजधानी फुनाफुती आहे.
जगातील सर्वात लहान देशांच्या यादीत तिसरे स्थान नाऊरु ( Nauru) या देशाचे आहे. या देशाचे क्षेत्रफळ अवघे २१ चौरस किलोमीटर एवढे आहे. तर लोकसंख्या सुमारे १३,०४९ इतकी आहे. या देशाची कोणतीही अधिकृत राजधानी नाही.
मोनाको (Monaco)हा जगातील सर्वात लहान देशांच्या यादीतील दुसरा सर्वात छोटा आहे. या देशाचे क्षेत्रफळ २.०२ चौरस किलोमीटर असून या देशाची लोकसंख्या ३८,४९९ इतकी आहे. हा देश फ्रान्स आणि इटलीच्या दरम्यान आहे. या देशाची राजधानी मोनाको- विले (Monaca-Ville ) आहे.
क्षेत्रफळाच्या दृष्टीकोणातून जगातून सर्वात छोट्या देशाच्या यादीत पहिले स्थान व्हेटीकन सिटी (Vatican City)आहे. ज्याचे क्षेत्रफल 0.44 चौरस किलोमीटर आहे. तेथील लोकसंख्या सुमारे ८०० आहे. व्हॅटीकन सिटी युरोप खंडात हा देश आहे.
