32 वर्षांपूर्वी दारूच्या नशेत गीतकारने लिहिलं गाणं, आजही सुनील शेट्टीचा डान्स डोळ्यासमोर येतो
एक काळ असा होता जेव्हा बॉलिवूड चित्रपटांमधील प्रत्येक गाणे हिट ठरत होते. एक असेच गाणे आहे जे 32 वर्षांपूर्वी प्रदर्शित झाले होते. हे गाणे गीतकाराने दारूच्या नशेत गायले होते.
९० च्या दशकातील सुपरस्टार सुनील शेट्टीच्या अनेक हिट चित्रपटांपैकी एक गाणं आजही रसिकांच्या ओठावर आहे. हे गाणं लिहिण्यामागची कहाणी मात्र अत्यंत रंजक आहे. गीतकार समीर अंजान यांनी हे गाणं दारूच्या नशेत असताना लिहिले होते आणि त्याचा प्रभाव आजही जाणवतो.
कुमार सानू आणि पूर्णिमा यांनी गायलेले हे गाणं ‘हाय हुक्कू हाय हुक्कू…’ हे आहे. १९९४ मध्ये प्रदर्शित झालेल्या ‘गोपी किशन’ या चित्रपटातील हे गाणं सुनील शेट्टी आणि करिश्मा कपूर यांच्यावर चित्रित करण्यात आले होते. या चित्रपटात सुनीलने डबल रोल केला होता आणि हे गाणं प्रचंड गाजले होते.
गीतकार समीर अंजान यांनी कॉमेडियन कपिल शर्माच्या ‘द कपिल शर्मा शो’मध्ये या गाण्याच्या निर्मितीची मजेदार कहाणी सांगितली. ते म्हणाले, “हे गाणं बनवण्याच्या आदल्या रात्री मी माझ्या मित्रांसोबत खूप दारू प्यायलो होतो. सकाळपर्यंत मला हँगओव्हर होता. तेव्हा संगीतकार आनंद-मिलिंद यांचा फोन आला. त्यांना सुनील शेट्टीच्या चित्रपटासाठी एक गाणं संगीतबद्ध करायचे होते.”
“त्यावेळी माझे डोके चालत नव्हते. मग आनंद साहेब स्वतःच ती चाल गुणगुणायला लागले आणि मी त्यात माझ्या ओळी जोडल्या. असे हे गाणं तयार झाले,” असे समीर अंजान यांनी सांगितले.
३२ वर्षे उलटून गेल्यानंतरही हे गाणं आजही मोठ्या प्रमाणात ऐकले जाते. दारूच्या नशेत जन्मलेल्या या गाण्याचा ‘हँगओव्हर’ अजूनही कायम आहे, असे म्हणता येईल.
