The Kerala Story ची विलेन ‘आसिफा’; चित्रपटात हिजाबमध्ये दिसणारी सोनिया खऱ्या आयुष्यात आहे अत्यंत ग्लॅमरस
सोनियाच्या इन्स्टाग्राम अकाऊंटवर तिचे ग्लॅमरस फोटो पहायला मिळतात. या चित्रपटाच्या आधी तिने बऱ्यात शोजसाठीही काम केलं आहे. यामध्ये बडे अच्छे लगते है, डिटेक्टिव्ह दीदी, तू मेरा हिरो यांसारख्या मालिकांचा समावेश आहे.
बॉक्स ऑफिसवर सध्या 'द केरळ स्टोरी'चाच बोलबाला आहे. या चित्रपटावरून झालेला वाद अद्याप सुरू आहे आणि दुसरीकडे त्याची जोरदार कमाईसुद्धा होतेय. कथेसोबतच यामध्ये मुख्य भूमिका साकारलेल्या चारही अभिनेत्रींच्या कामगिरीचं कौतुक होतंय. यामध्ये खलनायिका आसिफाची भूमिका साकारणारी अभिनेत्री सोनिया बलानी हिच्या अभिनय कौशल्याचं विशेष कौतुक होत आहे.
आसिफाचं खरं नाव सोनिया बलानी असं आहे. सोनियाने मालिकांमधून करिअरची सुरुवात केली. द केरळ स्टोरीमध्ये ती संपूर्ण चित्रपटात हिजाबमध्ये पहायला मिळते. मात्र खऱ्या आयुष्यात ती खूपच ग्लॅमरस आहे.
सोनियाच्या इन्स्टाग्राम अकाऊंटवर तिचे ग्लॅमरस फोटो पहायला मिळतात. या चित्रपटाच्या आधी तिने बऱ्यात शोजसाठीही काम केलं आहे. यामध्ये बडे अच्छे लगते है, डिटेक्टिव्ह दीदी, तू मेरा हिरो यांसारख्या मालिकांचा समावेश आहे.
अभिनयासोबतच तिला नृत्याची आणि फिटनेसची फार आवड आहे. सैफ अली खानच्या 'बाजार' या चित्रपटातही तिने भूमिका साकारली होती. त्यानंतर 'तुम बिन 2'मध्येही ती महत्त्वपूर्ण भूमिकेत होती.
द केरळ स्टोरी हा सोनियाच्या करिअरमधील तिसरा चित्रपट आहे. या चित्रपटानंतर तिला आणखी चांगल्या भूमिका मिळू शकतील, अशी अपेक्षा तिने व्यक्त केली आहे.