Today’s Gold Rate: बापरे! आता खरेदी करताना विचार करावा लागणार, सोन्याच्या दरात उसळी, 10 ग्रॅमसाठी…
Today's Gold Rate: गेल्या पाच दिवसांमध्ये सोन्याच्या दरात 8 हजार रुपयांची वाढ झाली आहे. तर दुसरीकडे चांदीच्या दराने तर आकाशाला स्पर्श केला आहे.
आंतरराष्ट्रीय बाजारात घडणाऱ्या घडामोडी तसेच फेडरल बँकेच्या व्याजदरात कपात होण्याची शक्यता असल्याने त्याचा परिणाम सोन्याच्या दरावर होत असल्याचे सराफ व्यवसायिकांनी सांगितले आहे. आज जळगावच्या सराफ बाजारात सोन्या आणि चांदीच्या दराने प्रचंड मोठी उसळी घेतली आहे. त्यामुळे सर्वसामान्यांना खरेदी करताना दहा वेळा विचार करावा लागणार आहे.
सोन्याच्या दरात 5 दिवसात 8 हजार रुपयांची वाढ तर चांदीच्या दरात 13 हजार रूपयांची वाढ झाली आहे. गेल्या 24 तासात सोन्याचा दरात 2 हजार 530 रूपयांची तर चांदीच्या दरात तब्बल 4 हजार 50 रूपयांची वाढ झाली आहे.
आज 8 ऑगस्ट रोजी 10 ग्रॅम सोन्याचे दर जीएसटीसह 1 लाख 55 हजार 015 रुपयांवर पोहोचले आहेत. तर चांदीचे एक किलो चांदीचे दर 2 लाख 41 हजार 20 रुपयांवर पोहोचले आहेत. हे दर पाहून सोने खरेदी करताना दहा वेळा विचार करायला लावणारे आहेत.
सोन्याच्या दरात वाढ होताच जुने दागिने मोडून नवे दागिने करण्याकडे ग्राहकांचा कल वाढल्याचे सराफ व्यावसायिकांचे म्हणणं आहे.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
