Todays Gold rate: आता काही खरं नाही! सोन्याच्या दरात पुन्हा वाढ, आज तर 10 ग्रॅम सोन्यासाठी…
Todays Gold rate: गेल्या काही दिवसांपासून सतत घसरण होत असलेल्या सोन्या आणि चांदीच्या किंमतीत मोठी वाढ झाल्याचे दिसत आहे. आता सर्वसमान्यांना सोने खरेदी करताना विचार करावा लागणार आहे.
तीन आठवड्यांपासून जगभरात मोठ्या घडामोडी घडताना दिसत आहेत. अमेरिका आणि इस्त्रायल या दोन्ही देशांनी मिळून इराणवर हल्ला केला. इराणने देखील प्रत्युत्तर देत दोन्ही देशांची महत्त्वाची ठिकाणे उद्ध्वस्त केली. या युद्धाची झळ अनेक देशांना पोहोचत आहे. याचा मोठा परिणाम सोने आणि चांदीच्या दरावर होत आहे.
आज 17 मार्च रोजी जळगावच्या सराफ बाजारात सोन्या आणि चांदीच्या दरात मोठी वाढ झाली आहे. सोन्याच्या दरात 500 रुपयांची वाढ झाली आहे तर चांदीच्या दरात 3 हजार रुपयांची वाढ झाली आहे.
सोन्या आणि चांदीच्या वाढत्या भावामुळे सर्वसामान्य माणसांना ते खरेदी करताना 10 वेळा तरी विचार करावा लागत आहे. कारण सोन्याचे भाव हे अक्षरश: आकाशाला स्पर्श करताना दिसत आहेत.
10 ग्रॅम सोन्यासाठी आज जीएसटीसह 1 लाख 61 हजार 195 रुपये मोजावे लागणार आहेत. तर 1 किलो चांदीचे दर जीएसटीसह 2 लाख 66 हजार 770 रुपयांवर पोहोचले आहेत. अमेरिका इराण युद्धाचा परिणाम झाला असून गेल्या 16 दिवसांपासून सोन्या-चांदीच्या दरात मोठी चढ-उतार सुरू आहे.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
